هەدەپە: حكومەتى توركيا سيخوڕى بەسەر سەركردەكانمان كردووە
نوچەنێت:
ئەمرۆ دووشەممە (٢٨) حوزەيرانى (٢٠٢١) ماڵپەڕى (زەمانى توركى) بڵاويكردەوە، محەمەد رۆستۆ ترياكى پارێزەرى (هەدەپە) رايگەياند، "سيخورى بەسەر كۆبوونەوەى سەركردەكانى ئەو پارتە لەگەڵ سەركردەى پارتە سياسيەكانيتر كراوە".
لە بەشێكى ترى قسەكانى روونيكردەوە، "تۆمارى دەنگى ئەو كۆبوونەوانە خراوەتە ليستى تۆمەتەكانى پرسى هەڵوەشاندنەوەى ئەو پارتە، كە دۆسيەكەى خراوەتە بەردەم دادگاى دەستوورى توركيا".
ترياكى لە بەشێكى ترى قسەكانى ئاماژەى بەوە كرد، "ليستى دووەمى تۆمەتەكان بۆ داخستنى ئەو پارتە جياوازيەكى جەوهەرى نييە لەگەڵ تۆمەتەكانى ليستى يەكەم، هيچ پاساوێكيش نييە بۆ داواكردنى داخستنى ئەو پارتە، بەڵام تۆمەتەكانى ليستى دووەم مەترسيدارترن، چونكە تۆمارى دەنگى لەخۆى گرتووە، لە رێگەى گوێگرتنى ناياسايى لە مۆبايلى سەركردەكانى ئەو پارتە و ئەندامانى پەرلەمانيان لەكاتى پەيوەندييەكانيان لەگەڵ سەركردەى پارتەكانى تر و ديدارييان لەگەڵ ئەكاديمييەكان دەربارەى خوێندن بە زمانى كوردى و كۆبوونەوەيان لەگەڵ سەرۆك شارەوانييەكان".
ترياكى باسى لەوەش كرد، "تەنانەت ئەو دۆسيانەش، كە نەبۆتە هۆى لێكۆڵينەوە لەگەڵ ئەندامانى پەرلەمان لە فراكسۆنى هەدەپە، گۆڕدراون بۆ دۆسيەى داخستنى ئەو پارتە".
لە كۆتايى قسەكانى روونيكردەوە، "لە (١٩٦١) وە (٢٥) پارتى سياسى بەتۆمەتى جيابوونەوە، يا سەرپێچيكردن لە پرەنسپى عەلمانيەت داخراون، بەڵام تۆمەتەكانى ئێستا لاوازترين تۆمەتن بە بەراود بە تۆمەتى دۆسيەكانى پێشووى بۆ داخستنى پارتەكان".
چەند مانگێكە دەسەڵاتدارانى توركيا لە رێگەى داواكارى گشتييەوە، داوايان كردووە (هەدەپە) دابخەن، تا ئێستا دۆسيەكەيان لە دادگا يەكلاى نەبۆتەوە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment