رێگەی سەرەکیى کەمەربەندی سۆران داخرا کوردستانی

نوچەنێت:

درزە گه‌وره‌کەى  كه‌مه‌ربه‌ندیی باپشتیان لە نێوان سۆران و رواندز تادێت زۆرتر دەبێت و قایمقامی سۆرانیش ڕایدەگەیێنێت، لە ئەمڕۆ پێنجشەممەوە بەهۆی درزبوونی زەوی و مەترسیی رۆچوون، رێگەی كەمەربەندی پیشەسازیی سۆران دادەخرێت.

ئەمڕۆ پێنجشەممە (22)ى تەممووزى (2021)، لەبەر مەترسى هەرەسهێنان و ڕووچوونى کەمەربەندى ڕیگاى سۆران، هەڵگورد نەجیب، قایمقامی سۆران بە رووداوی راگەیاند لە ئەمڕۆ پێنجشەممەوە كەمەربەندی پیشەسازیی سۆران دادەخرێت و هاتووچۆكردنى ئۆتۆمبێل له‌و رێگەیه‌دا قه‌ده‌خه‌ ده‌كرێت.

هەڵگورد نەجیب روونیشکردەوە، رێگەیەکی لاوەکی بۆ بارهەڵگرەکان دروستدەکەین، دواتریش جادەیەکی سەرەکی دروستدەکەین کە رەنگە مانگێک بخایێنێت، دەشڵێت، دەبێت ئەو بەشەی کە درزەکە لە بەرزاییەکەی دابڕیوە هەڵبگیرێت بۆئەوەی لە هەرەس و رووخان بیپارێزین.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین