هەوڵێكى كودەتا لە سوودان شكستى هێنا عێراق ناوچەکە و جیهان

نوچەنێت:

سەر لەبەيانى ئەمڕۆ كۆمەڵێك سەربازى سەر بە دەسەڵاتى پێشوو، بە تانك و چەكى سەربازى لە ويلايەتى ئوم دەرمان هەوڵيان دا لە رێگەى كودەتاوە كۆنتڕۆڵى باردۆخى سوودان بكەن.

ئەمڕۆ سێشەممە (21)ى ئەيلوولى (2021) ماڵپەڕى (جەزيرە) بڵاويكردەوە، سەرلەبەيانى ئەمڕۆ سەرچاوەكانى حكومەتى سوودانى رايانگەياندوو، " لە ناوچەى ئوم دەرمان بە تانك و چەكى سەربازى لە ناوچەى ئوم دەرمان هەوڵدراوە لە رێگەى كودەتاوە بارودۆخى سوودان كۆنتڕۆڵ بكەن".

سەبارەت بەو كەسانەى هەوڵى کودەتایانداوە، سەركردەيەكى هێزى ئازادى و گۆڕانكارى بە جەزەيرەى رایگەياندووە، "هەوڵەكە لە ويلايەتى ئوم دەرمان بووە، ئەو كەسانە بە تانك و چەكى تر هەوڵيان دا ئەو ناوچەيە كۆنتڕۆڵ بكەن، دواى كۆنتڕڵكردنى باردوۆخەكە ژمارەيەكيان لێ دەستگيركراوە". 

محەمەد فەلەكى ئەندامى ئەنجومەنى سەرۆكايەتى سوودان رايگەياند، "هەرچەندە باردۆخەكە كۆنتڕۆڵ كراوە و شۆڕش سەركەوتووە، بەڵام پێويستە سوودانييەكان بڕژێنە سەر شەقامەكان و پارێزگارى لە وڵاتەكە و قۆناغى راگوزەر بكەن."

لە مانگى نيسانى (2019) دواى خۆپيشاندانێكى چەند مانگى كوژارن و برينداربوونى چەندين خۆپيشاندەر، هێزە چەكدارەكانى سوودان كودەتايان بەسەر عومەر بەشير كرد و لە دەسەڵات دووريان خستەوە، لەو كاتەوە تا ئێستا سوودان لە قۆناغى راگوزەرەدایە.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین