ئيمارات ئاساييكردنەوەى پەيوەندييەكانى لەگەڵ توركيا بەگرنگ دەزانێت تورکیە

نوچەنێت:

راوێژكارى سەرۆكى ئيمارات بۆ كاروبارى دەرەوە دەربارەى بە پەيوەندييەكانيان لەگەڵ توركيا رايگەياند، "بۆ خۆپاراستن لە هەر ئاڵۆزيەكى تازە لەنێوان هەردوولا بەردەوام بێت".

ئەمڕۆ دووشەممە چوارى تشرينى يەكەمى (2021) ماڵپەڕى (زەمانى توركى) بڵاويكردەوە، ئەنوەر قەرقاش راوێژكارى سەرۆكى ئيمارات بۆ كاروبارى دەرەوە رايگەياند، "وڵاتەكەى پێشوازى لە ئاساييكردنەوەى پەيوەنديوەندييەكانى ئەم دواييەى توركيا لەگەڵ ميسڕ و سعوودييە  و ڵاتانى تر دەكات، ديدارەكانى مانگى رابردوو زۆر گرنگن، ئەو گفتوگۆيانە لەگەڵ توركيا پێويستن، بۆ خۆپاراستن لە هەر ئاڵۆزيەكى تازە".

دواى ديدارى مانگى رابردوو، لە هەنگاوێكى چاوەڕواننكراودا دەسەڵاتدارانى ئيمارات رێگەيان لە بڵاوكردنەوەى ڤيدۆكانى سیدات پەكەر سەرۆكى باندى مافیایى توركى گرت، كە لەسەرەتاى ئەمساڵ لە دوبەى زنجيرەيەك گرتە ڤيديۆى بڵاوكردەوە، هێرشى توندى كردە سەر بەرپرسانى حوكمى ئێستا و پێشوو و بازرگانانى نزيك لە ئەردۆغان.

مانگى رابردوو شێخ تەحنون بن زايد راوێژكارى ئاسايشى نەتەوەيى ئيمارات سەردانى توركياى كرد لەگەڵ سەرۆك كۆمارى توركيا كۆبوونەوە، دواى ئەو كۆبوونەوەى ئەردۆغان وەبەرهێنانى ئيماراتى لە وڵاتەكەى بەگرنگ وەسف كرد. 

بەهۆى ناكۆكى لەسەر چەند دۆسيەك توركيا و ئيمارات پەيوەندييەكانى تێكچوو، لە مانگى رابردووەوە تا ئەندازەيەك بەرەو ئاساييبوونەوە دەچێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین