پەرلەمانى توركيا مانەوەى هێزەكانى وڵاتەكەى لە سووريا و عێراق پەسندکرد تورکیە

نوچەنێت:

پەرلەمانى توركيا رەزامەندى دەربڕى لەسەر داواكارى حكومەتى وڵاتەكەى بۆ درێژكردنەوەى ماوەى مانەوەى هێزە سەربازييەكانى لە سووريا و عێراق.

ئەمڕۆ چوارشەممە (27ى تشرينى يەكەمى 2021) ماڵپەڕى (جەزيرە) بڵاويكردەوە، پەرلەمانى توركيا پێشنیارى مانەوەى هێزەكانى  تورکیاى پەسند کرد بۆ ئەنجامدانى ئۆپراسيۆن لە باكوورى سووريا و عێراق.

ئەو رەزامەنديەى پەرلەمانى تورکیا دواى ئەوە دێت، هەفتەى رابردوو حكومەتى توركيا بە فەرمى داواى درێژكردنەوەى مۆڵەتى مانەوەى هێزە سەربازييەكانى لە پەرلەمانى توردکیان كرد، لە هەر یەک لە وڵاتانى سووريا و عێراق و لوبنان.

هەر يەك لە ئاكپارتى و مەهەپە و پارتى چاكە، بە بەڵێ دەنگيان بە درێژكردنەوەى مانەوەى هێزەکانى تورکیادا، لە بەرانبەردا جەهەپە و هەدەپە دژى ئەو بڕیارە بوون.

توركيا بە پاساوى پاراستنى ئاسايشى وڵاتەكەى بنکەى سەربازى لە عێراق و سووريادا هەيە، بۆ مانەوەى ئەو هێزانە پێويستى بە رەزامەندى پەرلەمانى وڵاتەكەيەتى.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین