جۆبایدن: تیمی ئاسایشی نیشتیمانی ئەمریکا هەرجۆرە یارمەتییەک پێشکەشی هێزە ئەمنییەکانی عیراق دەکەن عێراق ناوچەکە و جیهان

نوچەنێت

سەرۆکی ئەمریکا، هێرشەکەی سەر ماڵی کازمی ئیدانە دەکات و دەڵێت: داوام لە تیمی ئاسایشی نیشتمانی کردووە هەر جۆرە یارمەتییەکی گونجاو پێشکەشی هێزە ئەمنییەکانی عێراق بکەن.

ئەمڕۆ یەکشەممە( 11/تشرینی دووەم/2021)جۆ بایدن، سەرۆکی ئەمریکا لە راگەیێندراوێکدا سەرکۆنەی هێرشەکەی سەر ماڵی مستەفا کازمی دەکات و داوادەکات، ئەنجامدەرانی سزا بدرێن.

جۆ بایدن سەرۆکی ویلایەتە یەکگرتووەکانی ئەمریکا جەخت لەسەر "دۆزینەوەو بە سزا گەیاندنی هێرشە تیرۆرستییەکەی سەر ماڵی، مستەفا کازمی سەرۆکوەزیرانی عیراق دەکات، توڕەیی و نیگەرانی توند دەردەبڕێت".

هەر ئەمڕۆ وەزیری دەرەوەی ئەمریکا، لە راگەیێندراوێکدا پاڵپشتی خۆی بۆ کاربەدەستانی عیراق دووپات کردەوە و جەختی لە توڕەیی و نیگەرانی ئەمریکا بەرامبەر بەم هێرشە کردەوە". 

بەرەبەیانی ئەمڕۆ یەکشەممە ( 11/تشرینی دووەم/2021) لە رێگەی فڕۆکەی بێفڕۆکەوان هێرشکرایە سەر ماڵی مستەفا کازمی، سەرۆکوەزیرانی عێراق. 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین