هاووڵاتییه‌ك: به‌هۆى وه‌رگێڕانێكى نووسینگه‌یه‌ك خه‌ریك بوو مافم بخورێت
سیهام میران – تایبەت بە نوچەنێت
رۆژ له‌دواى رۆژ ژماره‌ى نووسینگه‌كانى وه‌رگێڕان له هه‌ولێر و شاره‌كانى تری كوردستان زیاتر ده‌بێت، ژماره‌ى ئه‌و هاووڵاتیانه زۆره كه گله‌ییان له‌و نووسینگانه هه‌یه و هه‌ر یه‌كه‌یان ئه‌زموونێكى ناخۆشیان له‌گه‌ڵ هه‌یه.
هێمن ره‌ئووف كه هاووڵاتییه‌كى دانیشتووى شارى هه‌ولێره له لێدوانێكى بۆ نوچه‌نێت به‌سه‌رهاتێكى خۆى گێڕایه‌وه و گوتى، "من پاره‌م له لاى كۆمپانیایه‌كى بیانى بوو، سكاڵام له‌سه‌ر تۆمار كرد، پێویستم به‌وه هه‌بوو چه‌ند به‌ڵگه‌یه‌ك وه‌ربگێڕمه سه‌ر زمانى وڵاتى كۆمپانیاكه، كه به‌ڵگه وه‌رگێڕانه‌كه‌م گه‌ڕانده‌وه دادگا قبووڵیان نه‌كرد، گوتیان له‌و به‌ڵگانه وا ده‌رناكه‌وێ كه تۆ خاوه‌ن هه‌قى، بۆیه هه‌رچه‌نده 25 هه‌زار دینارم به چه‌ند دێڕێك وه‌رگێران دابوو، ناچار بووم بچمه‌وه نووسینگه‌یه‌كى تر".
وه‌رگێڕێك: هۆكاره‌كه ئه‌وه‌یه مۆڵه‌تدان ئاسانه
له شارى هه‌ولێر له ده‌وروبه‌رى باڵه‌خانه‌ى په‌روه‌رده‌ى گشتى چه‌ندان نووسینگه‌ى وه‌رگێڕان هه‌ن، یه‌كێك له خاوه‌ن ئه‌و نووسینگانه كه پیاوێكه ئینگلیزى خوێندووه و زیاتر له 20 ساڵه له بوارى وه‌رگێڕان كار ده‌كات و نووسینگه‌ى هه‌یه بۆ نوچه‌نێت خۆى به ئاراز ناساند گوتى، "کاروبارەکان بە شێوەیەکی گشتی بە ناڕێکی بەڕێوەدەچێت لەبەر ئەوەی خەڵکانێك کاری وەڕگێران دەکەن لە بنەڕەتدا هیچ پەیوەندیان بە وەرگێڕانەوە نییە. چونکە هەموو پیشەیەک دەبێت کەسانی ئەکادیمی ئەنجامی بدەن، چۆن سەندیکای پزیشکان هەیە و سەندیکای پارێزەران هەیە. ئێمە کاتێك وەکو وەرگێڕ کار دەکەین یاخود خەڵكانێك وەکو وەرگێڕ کار دەکەن دەبێت بڕوانامەیان هەبێت لە وەرگێران. هەیە رەنگە پۆلی شەشی ئامادەیی تەواو کردبێت وەرگێڕان دەکات یاخود پارێزەر بێت ئەو کارە دەکات کە هیچ پەیوەندیەک بەو ئیشە نایبەستێتەوە".
جیا له‌و وه‌رگێڕانه‌ى كه له بوارى ئه‌ده‌بى و رۆشنبیرى كار ده‌كه‌ن، جۆره وه‌رگێڕێكى تر هه‌یه كه له لایه‌ن وه‌زاره‌تى داده‌وه مۆڵه‌تى كاركردنیان پێده‌درێت و به "وه‌رگێڕى سوێندخواردوو" ده‌ناسرێن. ئاراز كه خاوه‌ن نووسینگه‌ى وه‌رگێڕانه‌كه بوو بۆ نوچه‌نێت باسى له‌وه كرد، بابه‌ته‌كه ته‌نیا په‌یوه‌ندى به مۆڵه‌تدانه‌وه نییه، به‌ڵكو ئه‌و كه‌سه ده‌بێت چه‌ندان شاره‌زایى هه‌بێت.
نموونه‌ى ئه‌زموونى خۆى هێنایه‌وه و گوتى، "من ماوه‌یه‌كى زۆر به‌رده‌وام په‌یوه‌ندیم له‌گه‌ڵ نووسه‌ر و وه‌رگێڕه به‌ناوبانگه‌كانى هه‌ولێر هه‌بوو له وه‌رگێڕانى وشه‌كان بۆچوونى ئه‌وانیشم وه‌رده‌گرت، كه‌چى هه‌ندێك كه‌س ئێستا گوێ به‌و ورده‌كارییانه ناده‌ن".
ئه‌و وه‌رگێڕه باسى له‌وه ده‌كات هۆكارێك كه وا ده‌كات نووسینگه‌ى وه‌رگێڕان زۆر بێت ئه‌وه‌یه رێگه‌پێدان له وه‌زاره‌تى داد زۆر ئاسانه، بۆیه كه‌سانێك هه‌ن به ئاسانى ده‌توانن نووسینگه بكه‌نه‌وه.
مامۆستایه‌كى زانكۆ: ده‌بێت مۆڵه‌ت ته‌نیا به ده‌رچووانى زمان بدرێت
سه‌باره‌ت به جیاوازى نرخه‌كان بۆ هه‌ر ده‌قێكى وه‌رگێڕان ئاراز باسى له‌وه كرد، خه‌ڵكانێك هه‌یه گوێ به كوالێتى وه‌رگێڕانه‌كه ناده‌ن و ده‌یانه‌وێ كه‌مترین پاره خه‌رج بكه‌ن، بۆیه ده‌چنه ئه‌و نووسینگانه‌ى كه به هه‌رزان كار ده‌كه‌ن. ئه‌و نووسینگانه‌یش بێ ماندووبوون ده‌قه‌كان "له كۆڵ خۆیان ده‌كه‌نه‌وه".
وه‌ك وه‌رگێڕه‌كان باسى ده‌كه‌ن ئه‌وان جیا له "زۆر و بۆرى نووسینگه‌كان" چه‌ندان كێشه‌ى تریان هه‌یه، كه دیارترینیان نه‌بوونى سه‌رچاوه‌یه‌كه بۆ ده‌سته‌واژه یاساییه‌كان.
مامۆستا رفاعى ره‌شید كه ماستەر و بەکالۆریۆس لە زانستی وەرگێڕاندا و مامۆستا له بەشی وەڕگێرانى پەیمانگای تەکنیکی کارگێڕی هەولێر له لێدوانێكى بۆ "نوچه‌نێت" بوونى هه‌موو ئه‌و كێشانه‌ى پشتڕاسكرده‌وه كه له بوارى وه‌رگێڕان هه‌ن و له سه‌ره‌وه ئاماژه‌یان بۆ كراوه. رفاعى ره‌شید گوتى، "هۆکارەکەی نەزانی وەرگێڕەکەیە لە بەکارهێنانی دەستەواژەکان یان وشەیەکە دێتە پێشی لە شوێنێک مانایەکی هەیە لە شوینی تر مانای تری هەیە ئەوەش دەبێتە هۆی ئەوەی وەرگێرانەکە زۆر بە باشی نەکرێت".
له به‌شێكى ترى قسه‌كانى ئه‌و مامۆستایه‌ى زانكۆ باسى له هۆكارێكى تر كرد و گوتى، "مۆڵەتپێدانمان هەموو واسیتەیە بۆ نموونه ده‌رچوویه‌كى ئه‌ندازیاریى كه دادەمەزرێت دەبێت لەو پیشەیە کار بکات، زیاتر پارێزەرەکان چاویان لەو کارانەیە دەیانەوێت هەم وەرگێڕان بکەن هەمیش کارەکەی خۆیان بكه‌ن بۆ برە پارەیەك. لە رێگای ناسنامەیەک کە هەیانه مۆڵەتپێدان وەردەگرن، بەڵام ماوەیەکە کارەکە باش بووە مۆڵەت تەنیا دەدرێته ئەو کەسانەی کە بەشی زمانەکانیان خوێندووە".
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment