ئاڵنگه‌رییه‌كانی به‌رده‌م هێرشی سه‌ربازیی ئیسرائیل بۆ سه‌ر ئێران
نوچەنێت:
رۆژی (18)ی كانوونی یه‌كه‌می ئه‌مساڵ چه‌ند به‌رپرسێكی ئه‌منی ئێستا و پێشووی ئیسرائیل به رۆژنامه‌ی (نیویۆرك تایمز)ی ئه‌مریكییان راگه‌یاند، "له قۆناغی ئێستا هێرشی ئیسرائیل بۆ سه‌ر پرۆگرامی ئه‌تۆمی ئێران پێویستی به توانایه‌كی زۆری سه‌ربازیی هه‌یه، ئه‌و لێدوانه بووه هۆی تووڕه‌بوونی ناوه‌نده سیاسی و به‌رگرییه‌كانی ئه‌و وڵاته."
به‌رپرسێكی پێشووی ئه‌منی ئیسرائیل به ماڵپه‌ڕی (مۆنیتۆری) راگه‌یاند، "لێدوانی ئه‌و كه‌سانه زیانی زۆر گه‌وره‌مان لێ ده‌دات، پێویسته لێكۆڵینه‌وه‌یان له‌گه‌ڵ بكرێت و رێكاری پێویست له دژیان بگردرێته‌به‌ر، چونكه ئه‌و قسه‌یه زیانی بۆ سه‌ر ئاسایشی نه‌ته‌وه‌یی وڵاته‌كه‌مان هه‌یه."
لیوا نیتسا ئه‌لۆن كه له ساڵی (2015 بۆ 2019) فه‌رمانده‌ی ئۆپراسیۆنه‌كانی سوپای ئیسرائیل بوو، له‌و ساڵانه دۆسیه‌ی ئێرانیشی له ژێر ده‌ست بوو، رایگه‌یاند، "له ساڵانی رابردوو سوپای ئیسرائیل به‌رده‌وام بۆ هێرشكردنه سه‌ر ئێران په‌ره‌ی به تواناكانی خۆی ده‌دا، به‌ڵام به تێپه‌ڕینی كات كاری له پێشینه‌ی گۆڕی به‌گوێره‌ی رێنمایی سه‌ركرده سیاسییه‌كان و هه‌ڕه‌شه‌كان خۆی ئاماده ده‌كرد، دوای واژۆكردنی رێككه‌وتنی ئه‌تۆمی له (2015) سیاسییه‌كان ئاراسته‌ی سوپای ئیسرائیلیان گۆڕی، كاری له پێشینه‌یان بووه رووبه‌ڕووبوونه‌وه‌ی ئێران له سووریا و شكستپێهێنانی پڕۆژه مووشه‌كیه‌كه‌ی حزبوڵا."
به‌رپرسانی ئه‌منی و سه‌ربازی ته‌له‌ئه‌بیب به توندی ره‌خنه له سیاسه‌تی وڵاته‌كه‌یان ده‌گرن، هۆكاره‌كه‌شی ئه‌وه‌یه به‌بێ ئه‌وه‌ی سیناریۆیی نوێ بۆ رێگری له گه‌ڕانه‌وه‌ی ئێران بۆ پیتاندنی یۆرانیۆم ئاماده بكه‌ن، فشاریان خسته‌ر سه‌ر دۆناڵد ترامپ له رێككه‌وتنی ئه‌تۆمی ئێران پاشه‌كشه بكات."
لێره‌دا پێویسته به‌رپرسانی ئیسرائیل ئه‌و پرسیاره گرنگه بكه‌ن، "تاچه‌ند گورزی سه‌ربازی ئیسرائیل به‌ربه‌ست ده‌خاته به‌رده‌م پڕۆگرامی ئه‌تۆمی ئێران، ئایه ئه‌و هێرشه سوودی به ئه‌ندازه‌ی تێچووه‌كه‌ی ده‌بێت؟."
بۆ ئیسرائیل تۆڵه‌كردنه‌وه‌ی راسته‌وخۆ یا ناڕا‌سته‌وخۆ له ئێران زۆر گرنگه، به‌ڵام له‌گه‌ڵ ئه‌وه‌شدا ئێران ده‌توانێت له‌رێگه‌ی تره‌وه هێرش بكاته سه‌ر ئیسرائیل، به‌گوێره‌ی هه‌ڵسه‌نگاندنه‌كانی ئه‌و ته‌لئه‌بیب حزبوڵا له رێگه‌ی كڵاوه مووشه‌كییه‌كانییه‌وه ده‌توانێت وه‌ڵامی ئه‌و هێرشه سه‌ربازیییه‌كانی وڵاته‌كه‌یان دژ به ئێران بداته‌وه، ئه‌وه‌ش زیانيكی زۆر به ئیسرائیل ده‌گه‌ینێت.
له ساڵانی رابردوو كاتێك ئیسرائیل بیری له گورزی سه‌ربازی دژ ئێران كرده‌وه، دیسان ئه‌و پرسیاره كرا تاچه‌ند ئه‌و گورزوه‌شاندنه سوودی زیاتره له تێچووه‌كه‌ی؟ ئه‌وكاته‌ی ئیهود باراك وه‌زیری به‌رگری ئیسرائیل بوو، ناته‌نیاهۆ هانی دا گورزی سه‌ربازی له ئێران بده‌ن، به‌ڵام له چركه ساتی كۆتایی باراك بۆچوونی خۆی گۆڕی به‌ر له ده‌ستپێكردنی ئه‌و هێرشه، فه‌رمانی كرد هێرشه ئاسمانییه‌كان رابگیرێن، ئێستاش ئێمه گه‌ڕاینه‌وه هه‌مان خاڵی ده‌ستپێكی ئه‌وكاته.
بۆ تێگه‌یشتن له قه‌باره‌ی ئاڵۆزی ئه‌و دۆسیه پێویسته بزانین هێرشكردنه سه‌ر ئێران پێویستی به (150) فڕۆكه‌ی شه‌ڕكه‌ر هه‌یه، له‌وانه‌ش فڕۆكه‌ی (ئێف 35) و فڕۆكه‌ی هه‌ڵگری وزه و جه‌نگی ئه‌لیكترۆنی، چونكه پڕۆگرامه ئه‌تۆمییه‌كه‌ی ئێران ته‌واوی ئه‌و وڵاته‌ی گرتۆته‌وه، ئه‌وه‌ش قه‌ڵایه‌كی پۆڵایینه و له زۆر لاوه پارێزگاری لێده‌كرێت و سیسته‌می به‌رگری دژ به فڕۆكه‌ی بۆ داناوه.
هێرشێكی له‌و جۆره‌ش رووداوێكی جیهانییه، له‌ڕووی دیپلۆماسی و سه‌ربازی و ئابووری زۆر ئاڵۆزه، ئاڵنگه‌رییه‌كانی به‌رده‌م ئه‌م هێرشه یه‌كه‌م جار رووبه‌ڕووی ئیسرائیل ده‌بێته‌وه، یۆئاف لیمۆری ئیسرائیلی شاره‌زا له كاروباری سه‌ربازی رایگه‌یاند، "ئه‌وه ئاڵنگه‌رییه‌كی زۆر گه‌وره‌یه، ئاڵۆزییه‌كانی وایكردووه نه‌تواندرێت زیانه‌كانی ئه‌و گورزه سه‌ربازییه‌ی به‌ر كوره ئه‌تۆمییه‌كانی ئێران دیاری بكرێت، به‌ڵام له به‌رانبه‌ر ئه‌و سیناریۆیه به‌رپرسانی ئیسرائیل ده‌توانن بژارده‌ی تریان هه‌بیت، له چه‌ند لایه‌ك هێرش بكه‌نه سه‌ر ئێران و زیانی گه‌وره‌ی پێبگه‌ینن".
له هه‌ردوو حاڵه‌ته‌كه‌دا ئۆپراسیۆنێكی له‌و جۆره هه‌وڵێكی چڕی ده‌وێت، چونكه ئیسرائیل توانایه‌كی زۆری لێ خه‌رج ده‌كات، ده‌بێت زیانه‌كانی به ئه‌ندازه‌ی ئه‌و خه‌رجییه بێت، هه‌رچه‌نده تا ئێستا به‌ربه‌ستی ناوخۆی دژ به‌و گورزه سه‌ربازییه هه‌یه، به‌ڵام یه‌كده‌نگی ته‌واوی سیاسی و سه‌ربازی له ناوخۆی ئیسرائیل له‌سه‌ر ئه‌وه‌یه نابێت رێگه‌ر بدرێت ئێران چه‌كی ئه‌تۆمی هه‌بێت.
بن كاسبيت، رۆژنامه‌نووسی ئیسرائیل و شاره‌زای سه‌ربازی
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment