ئێران: 127 كه‌س له‌  ئۆپراسیۆنى كوشتنى سوله‌یمانى به‌شدارن ئێران

نوچه‌نێت

گوته‌بێژى ده‌سه‌ڵاتى دادوه‌رى له‌ ئێران رایگه‌یاند، 127 كه‌س له‌ ده‌وڵه‌تانى تر له‌ پرۆسه‌ى كوشتنى قاسم سوله‌یمانى فه‌رمانده‌ى فه‌یله‌ق قودسى سوپاى پاسداران به‌شدارییان كردووه‌ و ئێران ده‌یه‌وێ دادگاییان بكات.

ئه‌مڕۆ پێنجشه‌ممه‌ شه‌شى كانوونى دووه‌م، ماڵپه‌ڕى به‌غداد توده‌ى عێراق لێدوانێكى زه‌بیحوڵا خه‌زیانى بڵاوكردووه‌ته‌وه‌ كه‌ گوته‌بێژى دادوه‌رییه‌ له‌ ئێران و ئاشكراى كردووه‌، ئێران  11 نامه‌ى بۆ وڵاتان ناردووه‌ و داواى رێكاریى یاسایى له‌ دژى ئه‌و كه‌سانه‌ كردووه‌ كه‌ گوایه‌ له‌ ئۆپراسیۆنى كوشتنى سوله‌یمانى به‌شدارییان كردووه‌.

گوته‌بێژى دادوه‌رى لێدوانه‌كه‌ى بۆ ئاژانسى هه‌واڵى فارس داوه‌، به‌ڵام هیچ زانیارییه‌كى له‌سه‌ر ئه‌و كه‌سانه‌ ئاشكرا نه‌كردووه‌ كه‌ گوایه‌ له‌ وڵاتانى تره‌وه‌ به‌شدارییان له‌ ئۆپراسیۆنه‌كه‌ كردووه‌.

باسى ئه‌وه‌یشى كردووه‌، عێراق و ئێران له‌سه‌ر ئەوه‌ رێككه‌وتوون به‌دواداچوون بۆ "تاوانباران" بكرێت.

له‌ سێى كانوونى دووه‌مى ساڵى 2020 له‌ هێرشێكى ئه‌مریكا له‌ فڕۆكه‌خانه‌ى به‌غدا قاسم سوله‌یمانى فه‌رمانده‌ى فه‌یله‌ق قودسى سوپاى پاسداران و ئه‌بومه‌هدى موهه‌ندیس جێگرى سه‌رۆكى حه‌شدى شه‌عبى كوژران.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین