هاتووچۆى هەولێر روونکردنەوە لەسەر گرێبەستى ئەلیکترۆنى دەدات کوردستانی

نوچەنێت:

وتەبێژى بەڕێوەبەرى پۆلیسى هاتووچۆى هەولێر، لەسەر گرێبەستى ئەلیکترۆنى ڕوونکردنەوەیەک بڵاودەکاتەوە و دەڵێت، "هەر گرێبەستێک کەلەهەر پێشانگایەک یان کۆمپانیایەکی کڕین و فرۆشتنی ئۆتۆمبێل کرابێت تاکو ڕۆژی (2-1-2022) کاری پێدەکرێت."

ئەمڕۆ سێشەممە (11/کانوونى دووەم/2022)، فازڵ حاجى، وتەبێژى پۆلیسى هاتووچۆى هەولێر لەڕوونکردنەوەیەکدا ڕایگەیاند، هەموو ئەو گرێبەستانەى تاوەکو (2-1-2022) ئەنجام دراون کارى پێدەکرێ، "بە مەرجێ گرێبەستەکە لەپێشانگای شارەکانی هەرێم کرابێت."

فازڵ حاجى زیاتر روونیدەکاتەوە، ئەو هاوڵاتییەى، کەدەیەوێت ئۆتۆمبێل بخاتە سەرناوی خۆی، لەکاتی هاتنی بۆ هاتووچۆ وێنەی گرێبەستەکەی لەلابێت و لەبەشی یاسایی لەسەرەتا پەسەندی (تصدیق) بکات لەبەشی یاسایی، ئینجا دەست بکات بەکارەکانی گواستنەوەی خاوەندارێتی بکات.

وتەبێژى پۆلیسى هاتووچۆى هەولێر دەشڵێت، کارکردن بە گرێبەستى کۆن تاوەکو (15-3-2022) دەبێت، سەبارەت بەو مامەڵەی کڕین و فرۆشتنانەشى کە لە دوای (2-1-2022)کراون پێویستە گرێبەستی ئەلکترۆنیان هەبێ لە کاتى هاتنیان بۆ بەڕێوەبەرایەتى هاتووچۆ.

ئەم روونکردنەوەى هاتووچۆى هەولێر لەکاتێکدا، دوێنێ دووشەممە وەزارەتى ناوخۆ ڕێنمایى هەموارکراوى سەبارەت بە گرێبەستى کڕین و فرۆشتن دەرکرد.

 

 

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین