سەرۆک بارزانى و موقتەدا سەدر پەیوەندییەکى تەلەفۆنیان ئەنجامدا عێراق ناوچەکە و جیهان

نوچەنێت:

سەرۆک مسعود بارزانى لەگەڵ موقتەدا سەدر، ڕێبەرى ڕەوتى سەدر لە پەیوەندییەکى تەلەفۆنیدا بارودۆخى سیاسى عێراق تاوتوێ کرد.

ئێوارەى ئەمڕۆ سێشەممە (25/کانوونى دووەم/2022)، بارەگاى بارزانى لە ڕاگەیێندراوێکدا دەڵێت، "سەرۆك مەسعود بارزانی و سەید موقتەدا سەدر، ڕێبەری ڕەوتی سەدر لەڕێی تەلەفۆنەوە گفتوگۆیان لەبارەی بارودۆخی سیاسی و دوایین پێشهاتەكان ئەنجامدا."

بارەگاى بارزانى لە بەشێکى ترى ڕاگەیێندراوەکەیدا ئاماژە بەوەدەکات، "هەر لەو پەیوەندییە تەلەفۆنییەدا جەخت لە پێویستیی هەماهەنگی و لەیەكنزیكبوونەوەی پێكهاتەكان، بەمەبەستی بەدیهێنانی بەرژەوەندیی عێراق كرایەوە."

ئەم پەیوەندییە تەلەفۆنییەى سەرۆک مسعود بارزانى و موقتەدا سەدر لە کاتێکدایە، کە وا دەى هەڵبژاردنى سەرۆک کۆمارى عێراق نزیکبۆتەوە و هەر ئەمڕۆش، دادگاى باڵاى فیدراڵى عێراق لەسەر بەڕێوەچوونى یەکەم دانیشتنى ئەنجوومەنى نوێنەرانى عێراق، کە تێیدا دەستەى سەرۆکایەتیى پەرلەمانى عێراق هەڵبژێردرا، بڕیاردا و بە دەستوورى و یاسایى ناوى برد.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین