کتێبی (بەراوردی ئەدەبی) بڵاودەبێتەوە کولتوور

لاڤین عومەر: نوچەنێت

دکتۆر موحسین ئەحمەد، به‌راوردى ئه‌ده‌بى وه‌ك مێتۆدێكى نوێى لێكۆڵینه‌وه‌ و گواستنه‌وه‌ى كاریگه‌رى له‌نێو زمان ئه‌ده‌ب و كولتووره‌كان دەبینێت و کتێبەکەی وەک هەوڵێکی بچکۆلە بۆ ناساندنی بەراوردی ئەدەبی دەخاتەروو.

ئەمڕۆ (8)شوباتی (2022)دکتۆر موحسین ئەحمەد، پڕۆفیسۆری یاریدەدەر پسپۆڕی ئەدەبی و گشتی و بەراوردکاری بەشی کوردی و بەشی فەرەنسی کۆلێژی زمان لە زانکۆی سەڵاحەدین، لە لێدوانێک بۆ نوچەنێت دەربارەی کتێبی (بەراودی ئەدەبی) گوتی "ئەم کتێبە، هه‌وڵێكى بچكۆله‌یه‌ بۆ ناساندنى "به‌راوردى ئه‌ده‌بى" له‌ ڕوانگه‌یه‌كى مۆدێرن و نوێوه‌. پێشتر، له‌م باره‌یه‌وه‌ چه‌ند هه‌وڵێك هه‌بوو، به‌ڵام له‌م ماوه‌یه‌ واته‌ له‌م بیست ساڵه‌ى دواییدا زۆر گۆڕانى بنه‌ڕه‌تى له‌ ڕووى تیۆرى و مێژوویى و پراكتیكییه‌وه‌ به‌سه‌ر به‌راوردى ئه‌ده‌بى و  هه‌موو بوار و لایه‌نه‌كانى ئه‌ده‌بدا هاتووه‌. بۆیه‌ ئه‌م كاره‌ زۆر پێوست بوو، له‌ جێى خۆى بوو، له‌م ئان و ساته‌ ئه‌م كتێبه‌ بڵاوببێته‌وه"‌.

دکتۆر موحسین هەروەها دەڵێت "به‌راوردى ئه‌ده‌بى وه‌ك مێتۆدێكى نوێى لێكۆڵینه‌وه‌ و گواستنه‌وه‌ى كاریگه‌رى له‌نێو زمان ئه‌ده‌ب و كولتووره‌كان هه‌یه‌ و ئه‌مه‌ش مێژووێكى هه‌یه‌، ئه‌م مێژووه‌ له‌گه‌ڵ مۆدێرنیتێوه‌ سه‌رهه‌ڵده‌دا و گه‌شه‌ ده‌سه‌نێ تا ده‌گاته‌ ئه‌مڕۆ وه‌ك بوارێكى سه‌ربه‌خۆى ئه‌ده‌بى و كولتوورى".

دکتۆر موحسین، کتێبەکەی وەک دەروازەیەکی گشتی بۆ چوونە ناو بواری ئەدەبی گشتی دەبینێت"ئه‌ده‌ب و زمان و كولتوورى كوردیش له‌م ڕووه‌وه‌، وه‌ك هه‌موو ئه‌ده‌ب و زمان و كولتوورێك له‌ جیهان كه‌وتۆته‌ بن كاریگه‌رى هاوسێ و كولتووره‌ دووره‌كان، به‌ هه‌مان شێوه‌ ئێمه‌ش كاریگه‌ریمان له‌سه‌ر ئه‌وانى دى هه‌بووه‌. ئه‌م توێژینه‌وه‌یه‌، وه‌ك ده‌روازه‌یه‌كى گشتییه‌ بۆ چوونه‌ ناو بوارى به‌راوردى ئه‌ده‌بى".

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین