دادگای باڵای فیدڕاڵی چوار بڕیاری لە دژی هەرێمی کوردستان دەرکرد
نوچەنێت
ئەمڕۆ سێشەممە (15/شوبات/2022 )دادگای باڵای فیدڕاڵی عێراق لەبارەی دوو سکاڵا کە لە ساڵانی 2012 و 2019 لەسەر هەرێمی کوردستان تۆمارکراوە کۆبووەوە، سکاڵاکان تایبەتن بە نەوتی هەرێمی کوردستان و هەناردەکردنی.
لە دانیشتنی ئەمڕۆی دادگەی باڵای فیدڕاڵی چوار بڕیار لە دژی هەرێمی کوردستان دەرکران، کە تایبەتە بە نەوتی هەرێمی کوردستان.
بڕیارەکان:
1-یاسای نەوت و غازی هەرێمی کوردستان ژمارە 22ی ساڵی 2007 نادەستوورییە و پووچەڵدەکرێتەوە، چونکە پێچەوانەی ماددەکانی 110، 111، 112، 115، 121، 130ی دەستووری کۆماری عێراقی ساڵی 2005ە.
2- پابەندکردنی حکومەتی هەرێمی کوردستان بە رادەستکردنی تەواوی ئەو بەرهەمە نەوتییەی لە کێڵگە نەوتییەکانی هەرێمی کوردستان و ناوچەکانی دیکەوە دەردەهێنرێت کە وەزارەتی سامانە سرووشتییەکانی هەرێمی کوردستان هەڵساوە بەدەرهێنانی نەوت لێیانەوە، هەروەها رادەستکردنی بە حکومەتی فیدراڵی لەڕێگەی وەزارەتی نەوتی عێراقەوە و رێگەی پێبدرێت لە بەکارهێنانی دەسەڵاتە دەستوورییەکانی لەبارەی دۆزینەوەی نەوت و دەرهێنان و هەناردەکردنی.
3- سکاڵاکار دەتوانێت چاودێری پووچەڵبوونەوەی ئەو گرێبەستە نەوتییانە بکات کە حکومەتی هەرێمی کوردستان لەڕێگەی سکاڵالێکراو وەزیری سامانە سرووشتییەکانی هەرێمی کوردستان لەگەڵ لایەنە بیانییەکان لە دەوڵەتان و کۆمپانیاکان بۆ دۆزینەوە و دەرهێنان و هەناردەکردنی نەوت و فرۆشتنییەوە واژۆی کردوون.
4- پابەندکردنی حکومەتی هەرێمی کوردستان بە رێگەپێدان بە وەزارەتی نەوتی عێراق و دیوانی چاودێری فیدڕاڵی بە پێداچوونەوە بەسەرجەم گرێبەستە نەوتییەکان کە لەگەڵ حکومەتی هەرێمی کوردستان لەبارەی هەناردەکردنی نەوت و غاز و فرۆشتنییەوە واژۆکراو، بەمەبەستی وردبینیکردنی و دیاریکردنی ئەو مافانەی لەسەر هەرێمی کوردستانە و پشکی هەرێمی کوردستان لە بودجەی گشتی و بەو شێوەیەی کە گەیاندنی مافەکانی هاووڵاتیانی پارێزگاکانی هەرێمی کوردستان لە بودجەی گشتی فیدراڵی گەرەنتی بکات و دوانەکەوێت، دوای ئەوەی هەموو بڕگەکانی ئەم بڕیارە لەلایەن حکومەتی هەرێمی کوردستانەوە جێبەجێدەکرێت و حکومەتی فیدراڵی و دیوانی چاودێری دارایی فیدڕاڵی ئاماژە بەوە دەکات.
5- پابەندکردنی سکاڵالێکراو بە پێدانی هەموو رسومات و خەرجی و کرێی پارێزەران بریکارەکانی سکاڵاکارەکان کە بڕی 100 هەزار دینار دەبێت و بەپێی یاسا دابەشدەکرێت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment