سەرۆک نێچیرڤان بارزانى پەیامێک ئاراستەى محه‌مه‌د حاجی مه‌حموود دەکات کوردستانی

نوچەنێت:

سەرۆک نێچیرڤان بارزانى، سەرۆکى هەرێمى کوردستان لە پەیامێکدا پیرۆزبایى لە محەممەد حاجى مەحموود دەکات، بە بۆنەى بەستنى حەوتەمین کۆنگرەى پارتەکەى.

ئەمڕۆ دووشەممە (7/ئادار/2022)، سەرۆک نێچیرڤان بارزانى، سەرۆکى هەرێمى کوردستان لە پەیامێکدا بۆ محەممەد حاجى مەحموود، سەرۆکى پارتى سۆسیال دیموکراتى کوردستان دەڵێت، "هیوادارین هه‌موومان له‌ هه‌رێمى كوردستان به‌ یه‌كڕیزى و ته‌بایى و پێكه‌وه‌یى، خزمه‌تى زیاتر به‌ ئێستا و داهاتووى كوردستان بكه‌ین و له‌پێناو به‌دیهێنانى مافه‌كانى گه‌لى كوردستاندا یه‌كڕیز بین."

دەقى پەیامى پیرۆزبایى سه‌رۆک نێچیرڤان بارزانی بۆ محه‌مه‌د حاجی مه‌حموود:

به‌ڕێز محه‌مه‌د حاجى مه‌حموود

سه‌رۆكى پارتى سۆسیال دیموكراتى كوردستان

سه‌ركه‌وتنى كۆنگره‌ و هه‌ڵبژاردنه‌وه‌تان به‌ سه‌رۆكى پارتى سۆسیال دیموكراتى كوردستان، له‌ به‌ڕێزتان و سه‌ركردایه‌تى و ئه‌ندامان و كادیران و جه‌ماوه‌رى پار‌ته‌كه‌تان پیرۆز ده‌كه‌م، هیواى سه‌ركه‌وتنتان بۆ ده‌خوازم.

به‌ڕێز و پێزانینه‌وه‌ له‌ خه‌بات و تێكۆشان و قوربانییه‌كانى ئێوه‌ و پارته‌كه‌تان ده‌ڕوانین و هیوادارین هه‌موومان له‌ هه‌رێمى كوردستان به‌ یه‌كڕیزى و ته‌بایى و پێكه‌وه‌یى، خزمه‌تى زیاتر به‌ ئێستا و داهاتووى كوردستان بكه‌ین و له‌پێناو به‌دیهێنانى مافه‌كانى گه‌لى كوردستاندا یه‌كڕیز بین.

هه‌ر سه‌ركه‌وتوو بن.

نێچیرڤان بارزانى

سه‌رۆكى هه‌رێمى كوردستان

2022/3/7

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین