سەرۆک نێچیرڤان بارزانى لە (8)ـى مارسدا: ئه‌م دۆخه به هیچ شێوه‌یه‌ك قبووڵكراو نییه
نوچەنێت:
ئەمڕۆ سێشەممە (8/ئادار/2022)، سەرۆک نێچیرڤان بارزانى لە (8)ـى مارس دا، بە بۆنەى ڕۆژى جیهانى ئافرەتان لە پەیامێکدا دەڵێت، "له كاتێكدا ئه‌م یاده ده‌كه‌ینه‌وه، به نیگه‌رانییه‌وه له ئامارى توندوتیژى و كوشتن و ئازاردانى ژنان و پێشێلكردنى مافه‌كانیان ده‌ڕوانین كه كاریگه‌رییه‌كى نه‌رێنى كردووه‌ته سه‌ر دۆخى کۆمەڵایەتی و ناو و پێگه‌ى هه‌رێمى كوردستان."
دەقى په‌یامى سه‌رۆك نێچیرڤان بارزانى له یادى هه‌شتى مارس دا:
یادى هه‌شتى مارس ڕۆژى جیهانیى ئافره‌تان، له ته‌واوى ئافره‌تانى كوردستان له وڵات و له هه‌ر كوێیه‌كى جیهان بن، به گه‌رمى پیرۆز ده‌كه‌م. هیواى به‌ره‌وپێشچوونى به‌رده‌وام و سه‌ركه‌وتنیان بۆ ده‌خوازم.
له‌م یاده‌دا وێڕاى دووپاتكردنه‌وه‌ى هه‌موو پشتگیرییه‌كمان بۆ ژنان و كچانى كوردستان، دڵنیایان ده‌كه‌ینه‌وه كه وه‌ك هه‌میشه داكۆكى له ماف و ئازادییان ده‌كه‌ین و به هه‌موو توانایه‌كمان، به‌رگرییان لێده‌كه‌ین.
له كاتێكدا ئه‌م یاده ده‌كه‌ینه‌وه، به نیگه‌رانییه‌وه له ئامارى توندوتیژى و كوشتن و ئازاردانى ژنان و پێشێلكردنى مافه‌كانیان ده‌ڕوانین كه كاریگه‌رییه‌كى نه‌رێنى كردووه‌ته سه‌ر دۆخى کۆمەڵایەتی و ناو و پێگه‌ى هه‌رێمى كوردستان. جەخت ده‌كه‌ینه‌وه كه ئه‌م دۆخه به هیچ شێوه‌یه‌ك قبووڵكراو نییه و ده‌بێ بە تەواوی كۆتایى بێت.
به‌ره‌نگاربوونه‌وه‌ى توندوتیژى و ڕێگرى له كوشتنى ئافره‌تان به هه‌ر پاساو و به‌هانه‌یه‌ك بێت، ئه‌ركێكى هاوبه‌شى هه‌موومانه له هەرسێ سەرۆکایەتییەکەی هەرێمى كوردستان و لایه‌نه په‌یوه‌نداره‌كانی حکوومەت و ڕێکخراوەکان و مامۆستایانى ئایینى و میدیا و كۆمه‌ڵگه به‌گشتى.
هه‌روه‌ها له ڕێى په‌روه‌رده و ئاگایى و وشیاریى تاك و خێزانه‌وه، دەبێ هەموومان هەماهەنگ و هاوکار بین و هه‌وڵى جددى بده‌ین بۆ نه‌هێشتن و بنبڕكردنى توندوتیژى دژى ئافره‌تان و بره‌ودان به كولتوورى ناتوندوتیژى و لێبورده‌یى و یەکسانی و مسۆگه‌ركردنى به‌شدارى و هاوبه‌شیى كاراى ئافره‌تان له هه‌موو جومگه و كایه‌كانى ژیان و ده‌سه‌ڵات و سیاسه‌ت و كارگێڕیدا و به‌هێزكردنى تواناكانیان.
به‌رز و شكۆدار بێت یادى هه‌شتى مارس، سه‌ركه‌وتن بۆ خه‌بات و تێكۆشانى ئافره‌تان و ئازادیخوازان له‌پێناو دابینکردنی ماف و دادوەری و یەکسانیدا. سڵاو له گیانى قوربانیانى توندوتیژى دژى ژنان.
نێچیرڤان بارزانى
سه‌رۆكى هه‌رێمى كوردستان
8ى مارسى 2022
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment