ههشتى ئادارێ یان داگیركرنا ناسناما ژنێ
جوان عزەت
داگیركرنا ناسناما ژنێ ڤهدگهریت بۆ پهیوهندى پێ كرن و درێژپێدانا ئهو ئایدیۆلۆژیێن كو د بزاڤێن كۆمهلایهتێن ڤێ دهڤهرێ دا ههین. ئهڤ فهزایا جیهان تێدا فهزایهكا گشتى یا مرۆڤا یه. ژن و سیستهم ههمان كێشهێن نێزیك ئێكن و پهیوهندیێن ناكۆك ل سهر وان دیار دبن، ژبهركو كێشهیا ژنێ كێشهیهكا سیستهماتیكه، سیستهمى ژن د ڤێ رێكا بهرزهدا بریه. سیستهم وهكو هزر و ئهقل و مهدهنیهت ئهو چارچۆڤه یه ئهوێ كو ژنێ ب بابهتێ زانست و رهوشهنبیریێ ڤه گرێددهت. ئهڤ ههلویسته دههمى ههلویستێن زانستى دا ههلۆیستهكێ سیاسى و ئهخلاقى یه. ئهڤه دیاردكهت كو ئهو ههلۆیستێن هزار سالان ل سهر ژنێ بووینه سیستهمێن بهردهوامى دانێ وهك مولكێ سهپاندنێ ل سهر بهایێن مللهتان ژى بووینه زێهنیهتهكا قالبداى. ههروهكو هێتلهر گوتى "مللهت وهكو ژنانن" ئها ب ڤى رهنگى سیستهمێن دیرۆكى ژن ژى وهكى تراژیدیێن مللهتان یێن لێ كرین. ئهڤه زهمینه دروست كرنه ب جورێن داپۆشینا لهشى، مهبهست ژ داپۆشینا لهشى داپۆشینا ئهقل و هزر و ههبوون و نه قهبوولكرنا رامان و واتهیێن ژنێ یه. واته ئهڤێ كابووسا بهردهوام فورمێ ناسناما ژنێ بهر ب فۆرمێ فۆتۆگرافێ ملكیهت و کوژتن خوەکوژتن و خوە هندابوونێ بریه.
ملكیهت بخۆه زیندانكرن و كرێگرتیكرنا نێر و مێیان و ژن و مێرا یه. ئهگهر ب شێوهیهكێ هۆشیارانه ترخواندنێ بۆ ڤێ پرسێ بكهین زێدهتر دیاردبیت، كو ئهڤ پرسه زورتر وهك رهگهزهكێ لهشى و چین و ژێردهست كرنێ سهرهدهرى دگهلدا هاتیه كرن و زێدهتر ژ كێشهیا نهتهوهیهكێ ژن هاتیه چهوساندن و چ چین و چ نهتهوه وهكو ژنێ د ناڤ جڤاكێن گرتى دا نههاتینه نهزان و بندهستكرن و بێ مافکرن. چونكو ژن د ڤى چاچۆڤهى دا كهڤیته دبن دهستههلاتا سیستهمكرنێ دا و هێشتا چ مێژووێن راست دهربارهى كوولهكرنا وێ نههاتینه نڤسین و ئاشكهراكرن. تهنها ئهو مێژوویا كو ل سهر بیرۆباوهرێن ئازادیا هزرى د قوناغێن نڤسین و ههلسهنگاندن و ئاشكهراكرنێ دا بهردهوام ڤێ پرسێ لێكولین دكهن. ئهڤێ چهندێ ب قهدهر دهستههلاتداریا پلهدار و دهولهتداریێ مێر ژى ئێخستیه بهر قوناغێن كوولهكرنێ و ب ئاشكهرابوونا كوولهكرنا ژنێ نهزانینا مێرى دیاربیت. ههروهكو روژههلاتناسهك ژى دبێژیت(sad) پشتى كوولهكرنا مێرى دهركهفتنا كوولهتیا ژنێ یه) .
ئها ل ڤێرێ یا ئاشكهرا یه دهمێ لهش دبیته سهنتهرێ ژێردهستیێ، ئێدى كار و ئهركێن ژنێ دكهڤنه خانا بێ بههاكرنێ دا و گرنگ ناهێنه دیتن. سڤكاتى و تۆندوتیژى دبیته سیستهمێ كهلتوورى. بهشداریكرنا وێ د ناڤا دهزگههێن گشتى یێن جڤاكى دا دبنه هێلێن قهدهخهكرنێ، بیاڤێن ئهخلاقى ل سهر وێ دبنه دهرگههێن ل قهلهمدانا عهبیداریێ و ههروهها ژ هێلێن هزراندنێن ئایندارى ژى ئهو دبیته ژنهكا دویرى دهرڤهى چالاكێن كومهلایهتى، دهمێ چالاكیێن كۆمهلایهتى و سیاسى و ئابوورى د بنه كلیلێن دهستێ مێرى لاوازیا ژنێ زورتر دبیته دهزگهه بوون و وهك باوهریهكا رهگهزى ژن دبیته لاوازیا هاڤى كرنێ. ئهڤه بخوه خوه ژنێ ب قالبدانا پهیڤا بهلێ فێرى راسپاردهیا پهروهردهیێ دكهت و ژن ب چهمكێ یاخیبوونێ دویرى راسپاردهیا جهوههرێ پهروهردهكرنێ دبیت. ب ڤى تهواویا هێزا ماددى و معنهوهى دكهڤتیه دهستێ مێرى دا و ژن رولێ خوه بێدهنكرن و خوه رهڤینێ دبینیت. لهورا یا كو ل سهر ژن و جڤاكى د هێته خوازتن ئهوه، هۆشیاریا ژنێ ب هۆشیاریا جڤاكى را ببیته ههڤگرتنهكا یاخیبوونى و داناندن و درۆستكرنا رێك و رێبازیێن نوى یێن هزرى و فهلسهفى. ههتا وێنهیهكێ دى یێ نۆیخوازیێ دیزانێ خوه ل سهر ناسنامهیا جڤاكێ مرۆڤى درۆست بكهت.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment