سەرۆکایەتی هەرێمی کوردستان: هاوسۆزی گەلی سعودیەین عێراق ناوچەکە و جیهان

نوچەنێت

سەرۆکایەتی هەرێمی کوردستان، سەرکۆنەی هێرشکردنە بەردەوامەکانی سەر ناوچە جیاوازەکانی سعودیە دەکات و دەڵێت: هاوسۆزی تەواومان لەگەڵ سەرکردایەتی و گەلی سعودیە هەی.

ئەمڕۆ شەممە ( 26/ئازار/2022) سەرۆکایەتی هەرێمی کوردستان لەبارەی هێرشەکەی سەر وێستگەکانی ئارامکۆ لە شاری جدەی سعودیە رایگەیاند: سەرکۆنەی ئەو هێرشانە دەکەین کە رۆژی هەینی خاک و دامەزراوە گرنگەکانیان لە سعودیە کردە ئامانج. 

رۆژی رابردوو یەحیا سەریع، گوتەبێژی سەربازیی حوسییەکان گوتی: هێزە چەکدارەکانیان ‌هێرشیان کردووەتە سەر وێستگەکانی ئارامکۆ لە شاری جدەی رۆژئاوای سعودیە کە هاوسنورە لەگەڵ شاری مەککە و چەند وێستگەیەکی دیکە لە ریازی پایتەختی سعودیە. هێرشەکان لە رێگەی موشەکی بالیستی و درۆنەوە ئەنجامدراون.  

لە بەشێکی دیکەی راگەیێندراوەکەی سەرۆکایەتی هەرێمی کوردستاندا هاتووە: هاوسۆزیی تەواومان لەگەڵ سەرکردایەتی و گەلی سعودیە رادەگەیێنین لە بەرامبەر ئەو دوژمنکارییانە کە زۆرجار دووبارە دەبنەوە و هەڕەشە لە سەقامگیری و ئاسایشی ناوچەکە دەکەن.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین