فرانس پرێس: 20 هه‌زار لبنانى روویان له‌ عێراق كردووه‌ کوردستان- عێراق

نوچه‌نێت

ئاژانسى فرانس پرێس بڵاویكردووه‌ته‌وه‌ له‌ ماوه‌ى 10مانگدا 20 هه‌زار لبنانى روویان له‌ عێراق كردووه‌. 410 كۆمپانیا له‌ عێراق و زیاتر له‌ 500 كۆمپانیاى لبنانیش له‌ هه‌رێمى كوردستان كار ده‌كه‌ن.

ماڵپه‌ڕى كه‌ناڵى حوڕه‌ى ئه‌مریكى دوێنێ سێى نیسان پوخته‌ى راپۆرتێكى ئاژانسى فرانس پرێسى بڵاوكردووه‌ته‌وه‌ كه‌ تێیدا باس له‌وه‌ ده‌كات به‌ هه‌زاران لبنانى روو له‌ عێراق ده‌كه‌ن. به‌گوێره‌ى ئامارێكى فه‌رمى له‌ مانگى حوزه‌یرانى 2021 تا شوباتى 2022 زیاتر له‌ 20 هه‌زار لبنانى بۆ كاركردن روویان له‌ عێراق كردووه‌.

هه‌ر له‌ راپۆرته‌كه‌دا ئاشكرا كراوه‌ كه‌ 410 كۆمپانیاى لبنانى له‌ عێراق كارده‌كه‌ن، كه‌چى له‌ هه‌رێمى كوردستان ژماره‌ى كۆمپانیاكانیان زیاتره‌ و له‌ هه‌ولێر و سلێمانى زیاتر له‌ 500 كۆمپانیاى لبنانى لێیه‌.

هه‌ر چه‌نده‌ بارودۆخى عێراق له‌رووى ئابوورییه‌وه‌ باش نییه‌، به‌ڵام نزیكى له‌ڕووى جوگرافیاوه‌ وا ده‌كات لبنانییه‌كان رووى تێبكه‌ن، ئه‌گه‌ر به‌راوردیش به‌ لبنان بكرێت، ئه‌وا عێراق باشتره‌. چونكه‌ 80% ى لبنانییه‌كان له‌ژێر هێڵى هه‌ژاریدان، كه‌چى عێراقییه‌كان كه‌ ژماره‌یان 40 ملیۆنه‌ سێیه‌كیان له‌ژێر هێڵى هه‌ژاریدان. رێژه‌ى بێكاریش له‌ عێراق 40%یه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین