هاوپه‌یمانى سه‌روه‌ریى: هه‌ڵوه‌شاندنه‌وه‌ى په‌رله‌مان چاره‌سه‌ره‌ عێراق ناوچەکە و جیهان

نوچه‌نێت

مه‌شعان جبوورى په‌رله‌مانتارى هاوپه‌یمانى سه‌روه‌ریى "سوننه‌" له‌ تویتێكدا ده‌ڵێ، "ئه‌گه‌ر بنبه‌ستى سیاسى به‌مشێوه‌یه‌ به‌رده‌وام بێت، ئه‌وا هه‌ڵوه‌شاندنه‌وه‌ى په‌رله‌مان چاره‌سه‌رێكه‌ ده‌بێت ئه‌نجام بدرێت".

ئه‌مڕۆ یه‌كشه‌ممه‌ 10ى نیسانى 2022 مه‌شعان جبوورى په‌رله‌مانتارى هاوپه‌یمانى سه‌روه‌ریى كه‌ خه‌میس خه‌نجه‌ر سه‌رۆكایه‌تى ده‌كات، له‌گه‌ڵ پارتى و ره‌وتى سه‌در هاوپه‌یمانه‌، له‌ تویتێكدا باس له‌ هه‌ڵوه‌شاندنه‌وه‌ى په‌رله‌مانى عێراق ده‌كات و ده‌ڵێ، "درك به‌و بارقوڕسیه‌ گه‌وره‌یه‌ ده‌كه‌ین كه‌ ده‌كه‌وێته‌ سه‌ر كۆمیسیۆنى هه‌ڵبژاردنه‌كان و ته‌واوى ده‌وڵه‌ت ئه‌گه‌رهاتوو په‌رله‌مان ده‌نگ له‌سه‌ر هه‌ڵوه‌شاندنه‌وه‌ى خۆى بدات، داواى هه‌ڵبژاردنێكى نوێ بكات، به‌ڵام قسه‌ى ئێمه‌ سه‌ركێشیه‌كى سیاسى نییه‌، له‌ بۆشاییه‌وه‌ نه‌هاتووه‌ به‌ڵكو بژارده‌یه‌كه‌ ده‌بێت بكرێت ئه‌گه‌رهاتوو بنبه‌ستى سیاسى به‌رده‌وام بوو، به‌ڵام به‌ر له‌ هه‌ڵوه‌شاندنه‌وه‌ى په‌رله‌مان ئه‌وه‌ى پێویسته‌ بیزانین بۆچوونى شه‌قامه‌ له‌سه‌ر ئه‌م هه‌نگاوه‌".

له‌ شه‌شى ئه‌م مانگه‌وه‌ عێراق كه‌وتووه‌ته‌ بۆشایى ده‌ستوورییه‌وه‌، به‌ هۆى هه‌ڵنه‌بژاردنى سه‌رۆك كۆمار، بۆیه‌ راگه‌یاندنى حكومه‌تى بارى له‌ناكاو و هه‌ڵوه‌شاندنه‌وه‌ى په‌رله‌مان دوو بژارده‌ى یاسایى ده‌بن كه‌ ده‌بێت لایه‌نه‌ سیاسییه‌كان بیرى لێ بكه‌نه‌وه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین