نزیكەی سێ ملیار دینار بۆ چەند پرۆژەیەکى سلێمانی خەرج دەکرێت کوردستان- عێراق

نوچەنێت:

وەزارەتى شارەوانى و گەشتوگوزارى حکوومەتى هەرێمى کوردستان ڕادەگەیێنێت، تەنها لە ماوەى سەرەتاى (2022) نزیکەى سێ ملیار دیناریان بۆ پەرەپێدانى شارى سلێمانى خەرج کردووە.

ئەمڕۆ دووشەممە (11/نیسان/2022)، وەزارەتى شارەوانى لە ڕاگەیێندراوێکدا دەڵێت، "بە مەبەستی پەرەپێدانی پرۆژە خزمەتگوزارییەكانی سنووری شارەوانیی سلێمانی و دەوروبەری، تەنیا لە ساڵی 2022دا، نزیكەی سێ ملیار دینار بۆ پەرەپێدانی شاری سلێمانی خەرج كراوە."

وەزارەتى شارەوانى زیاتر روونیدەکاتەوە و دەڵێت، "ئەم گوژمەیە لەسەر داهاتی شارەوانی و داهاتی ئاوە."

هاوکات ئەوەش هاتووە، "وەزارەتی شارەوانی ژمارەیەكی زۆر پرۆژەی خزمەتگوزاریی هەمەجۆری وەك دروستكردن و نۆژەنكردنەوەی شەقام، پەرەپێدانی دابینكردنی ئاو و ڕاكێشانی بۆری ئاوی خاوێن، دروستكردنی تۆڕی ئاوەڕۆ و دابینكردنی پێداویستی بۆ كەلوپەلی پرۆژەكان و كۆنفرانسی گەشتوگوزار، كۆنكرێتكردنی كۆڵان، دروستكردنی شەقام، كڕینی نەمام، كڕینی پێداویستی پارك و باخچەكان و چەند بوارێكی دیكەی خزمەتگوزاری بەپێی یاسا و ڕێنماییە داراییەكان خەرج كراوە."

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین