ئافرەتانى توركيا دژ بە هەڕەشەكانى حكومەت خۆپيشاندان دەكەن تورکیە

نوچەنێت:

دژ بە هەڕەشەى هەڵوەشاندنەوەى كۆمەڵەيەكى ئافرەتان لە توركيا بە تۆمەتى لادان لە دابونەريت، لە چەندين شارى ئەو وڵاتە خۆپيشاندان كرا.

ئەمڕۆ يەكشەممە (17ى نيسانى 2022) ماڵپەڕى (حوڕە) بڵاويكردەوە، بەهۆى هەڕەشەى هەڵوەشاندنەوەى كۆمەڵەيەكى ئافرەتان بە تۆمەتى ئەنجامدانى چالاكى پێچەوانەى ياسا و دابونەريت، لە شارەكانى توركيا ئافرەتانى سەر بە رێكخراوەكان ڕژانە سەر شەقامەكان، فيدان عەتا ئەميندارى كۆمەڵەى (بەرەنگارى دژ بە كوشتنى ئافرەتان) كە هەڕەشەى داخستنى لەسەرە رايگەياند، "وەستانى چالاكييەكانمان ڕەتدەكەينەوە، ڕێگە نادەين كۆمەڵەكەمان دابخەن." 

لە خۆپيشاندانەكان ئافرەتان دروشمى (ئافرەتان دەستگير مەكەن، بەڵكو بكوژەكانيان دەستگير بكەن) بەرز كردبۆوە.

عەتا سەليم لە بەشێكى ترى قسەكانى رايگەياند، "لەدواى كشانەوەى توركيا لە رێككەوتنى ئيستەنبۆڵ دژ بە توندتيژى ئافرەتان چالاكييەكانيان زياتر كردووە لەبوارى بەدواداچوون بۆ كەيسى كوشتنى ئافرەتان و پێشێلكردنى مافەكانيان لەلايەن دەسەڵاتدارانى توركيا."

لەدواى كشانەوەى توركيا لە رێككەوتنى ئيستەنبۆڵ، ناكۆكى توند كەوتۆتە نێوان رێكخراوەكانى ئافرەت و حكومەتى توركيا.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین