بایدن سه‌ردانى رۆژهه‌ڵاتى ناوه‌ڕاست ده‌كات عێراق ناوچەکە و جیهان

نوچه‌نێت

رۆژنامه‌ى تایمز ئۆف ئیسرائیل ئاشكراى كردووه‌، له‌ 23ى ئه‌م مانگه‌ جۆ بایدنى سه‌رۆكى ئه‌مریكا سه‌ردانى رۆژهه‌ڵاتى ناوه‌ڕاست ده‌كات و له‌گه‌ڵ سه‌رۆكه‌كانى ئیسرائیل كۆده‌بێته‌وه‌.

ئه‌مڕۆ هه‌ینى سێى حوزه‌یرانى 2022 رۆژنامه‌ى تایمز ئۆف ئیسرائیل بڵاویكردووه‌ته‌وه‌، جۆ بایدن سه‌ردانى رۆژهه‌ڵاتى ناوه‌ڕاست ده‌كات، یه‌كێك له‌و وڵاتانه‌ى سه‌ردانى ده‌كات ئیسرائیله‌.

رۆژنامه‌كه‌ زانیارى ئه‌وه‌ى ده‌ستكه‌وتووه‌ جۆ بایدن له‌گه‌ڵ ئیسحاق هیرتسۆگ سه‌رۆكى ئیسرائیل و نفتالى بینیت سه‌رۆك وه‌زیرانى ئیسرائیل كۆده‌بێته‌وه‌. به‌ڵام تا ئێستا هیچ زانیارییه‌كى تر له‌باره‌ى سه‌ردانى جۆ بایدن بۆ وڵاتانى ترى رۆژهه‌ڵاتى ناوه‌ڕاست بڵاونه‌كراوه‌ته‌وه‌.

جۆ بایدن سه‌رۆك ئه‌مریكا به‌وه‌ ناسراوه‌ كه‌ په‌یوه‌ندییه‌كى به‌ هێزى له‌گه‌ڵ وڵاتانى رۆژهه‌ڵاتى ناوه‌ڕاست هه‌یه‌، چه‌ند رۆژێك له‌مه‌وبه‌ر ماڵپه‌رێكى ئه‌مریكى رایگه‌یاند، بایدن له‌ماوه‌ى به‌رپرسیارێتى پێشووتر زیاتر له‌ 20 جار سه‌ردانى وڵاتانى رۆژهه‌ڵاتى ناوه‌ڕاستى كردووه‌. 
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین