پارێزگاری دهۆک لە بارەی نرخی بەنزین چەند بڕیارێکی راگەیاند
.jpg)
نوچەنێت
ئەمڕۆ یەکشەممە (5/حوزەیران/2022) بە سەرپەرشتی جێگری پارێزگاری دھۆک و بە ئامادەبوونی قائیمقامی دھۆک و بەڕێوەبەرایەتی سوتەمەنی دھۆک، کۆبوونەوەیەک لەبارەی نرخ و کوالێتی بەنزین بەڕێوەچوو. ئەمەش دوای ئەوەی دوێنێ بەشێک لە شۆفێرانی تەکسی بەھۆی گرانبونی نرخی بەنزین رێگەی سەرەکی دھۆک - هەولێریان داخست.
پارێزگاری دھۆک، دوای ئەم خۆپیشاندانە بەڕێوەبەرایەتییە پەیوەندیدارەکانی راسپارد بۆ ئەنجامدانی کۆبوونەوەیەکی بەپەلە لەسەر بابەتەکە. لە کۆبوونەوەکەدا ئەم بڕیارانەی خوارەوە دران:
یەکەم: کاراکردنی لیژنەیەکی ھاوبەش لە بەڕێوەبەرایەتییە پەیوەندیدارەکان بۆ بەدواداچوون و پشکنینی بەنزینی 690 دیناری، ئەو بەنزینخانانەشی پابەندی رێنوێنی و مەرجەکان نەبن، سزا دەدرێن.
دووەم: پشکنینی بۆ ھەموو کۆگا و شوێنی ھەڵگرتنی بەنزین لە سنووری پارێزگای دھۆک بکرێت بۆ نەھێشتنی بەنزینی خراپ و دوور لە رێنوێنییەکان و سەرپێچیکار بە تووندی سزابدرێت.
سێیەم: دانانی خاڵێکی پشکنین لە ئالۆکا بۆ وەرگرتنی نموونەی بەنزین و گواستنەوەیان بۆ تاقیگە تایبەتەکانی بەڕێوەبەرایەتیی سووتەمەنی دھۆک.
چوارەم: ھەوڵبدرێت بەشی دھۆک لە بەنزینی 690 دیناری زیادبکرێت و بە شێوەیەکی دادپەروەرانە بەسەر بەنزینخانەکان دابەشبکرێت.
پێنجەم: زیادکردنی ئامێرەکانی پێدانی بەنزین بەشێوەیەکی کاتی لەو بەنزینخانانەی کە بەنزینی 690 دیناری دابەشدەکەن بۆ نەھشتنی قەرەباڵخی و کار بکرێت لەگەڵ وەزارەتی سامانە سرووشتییەکان بۆ زیادکردنی بەشی دھۆک بۆ کەمکردنەوەی گلەیی ھاونیشتمانییان.
شەشەم: کار بکرێت لەگەڵ وەزارەتی سامانە سرووشتییەکان بۆ زیادکردنی سەرچاوەکانی ھێنانی بەنزین لە دەرەوەی ھەرێمی کوردستان بەپێی رێنوێنییە کارپێکراوەکان.
د. عەلی تەتەر، پارێزگاری دهۆک بڕیاری کۆبوونەوەکەی واژۆکردووە و لەڕێگەی نووسراوێکەوە سەرجەم لایەنە پەیوەندیدارەکانی راسپاردووە بە مەبەستی جێبەجێکردنی بڕیارەکان.
بەپێی ئامارەکانی بەڕێوەبەرایەتی نەوت و کانزای دھۆک، ئەو پارێزگایە رۆژانە پێویستی بە ملیۆنێک و 700 ھەزار لیتر بەنزینە، بەڵام ھەفتەیەکە بۆ 260 ھەزار لیتر کەمکراوەتەوە و نرخەکەی لە بازاڕدا گران بووە.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment