میدیاى ئه‌مریكى و ئیسرائیلى: ئه‌گه‌رى هه‌یه‌ عێراق بچێته‌ به‌ره‌یه‌كى ئیسرائیلى دژ به‌ ئێران عێراق ناوچەکە و جیهان

نوچه‌نێت

رۆژنامه‌ى وۆڵ ستریت جورناڵى ئه‌مریكى و كه‌ناڵى ته‌له‌ڤزیۆنى 12ى ئیسرائیلى باسیان له‌ پێكهێنانى به‌ره‌یه‌كى ئه‌مریكى - ئیسرائیلى دژ به‌ ئێران كردووه‌ له‌ رۆژهه‌ڵاتى ناوه‌ڕاست، به‌ دووریشى نازانن عێراق تێیدا به‌شدار بێت. به‌رپرسانى عێراقیش ئه‌مه‌ به‌ جۆرێك له‌ "خه‌یاڵ" ده‌زانن.

ماڵپه‌ڕى كه‌ناڵى جه‌زیره‌ دوێنێ یه‌كشه‌ممه‌ 12ى حوزه‌یرانى 2022 له‌ راپۆرتێكدا باس له‌وه‌ ده‌كات، میدیاى ئه‌مریكى و ئیسرائیلى باسیان له‌ پڕۆژه‌یه‌كى ئیسرائیلى- ئه‌مریكى كردووه‌، كه‌ گوایه‌ عێراق و میسڕ و ئوردنیش تێیدا به‌شدار ده‌بن.

رۆژنامه‌ى وۆڵ ستریت جورناڵ و كه‌ناڵى ته‌له‌ڤزیۆنى 12ى ئیسرایلى باسیان له‌وه‌ كردووه‌ پڕۆژه‌یه‌ك دراوه‌ته‌ كۆنگرێسى ئه‌مریكا، به‌گوێره‌ى پڕۆژه‌كه‌ پێشنیار كراوه‌ پنتاگۆن "وه‌زاره‌تى به‌رگريى ئه‌مریكا" له‌گه‌ڵ ئیسرائیل كار بكات، بۆ ئه‌وه‌ى سیسته‌مێكى به‌رگريى له‌ وڵاتانى عه‌ره‌بى دابنێت، له‌ دژى ئێران و به‌ هاوكارى ئیمارات و به‌حرێن.

به‌ دوور نه‌زانراوه‌، هه‌ر یه‌كه‌ له‌ میسڕ و عێراق و ئوردنیش له‌ پڕۆژه‌كه‌ به‌شدار بن. راپۆرته‌كه‌ به‌ شێوه‌یه‌كى تایبه‌ت رۆشنایى خستووه‌ته‌ سه‌ر عێراق، بۆیه‌ به‌رپرس و چاودێرانى سیاسى عێراقى دواندووه‌، كه‌ ئه‌وان ئه‌و زانیارییانه‌یان به‌ جۆرێك  لە"خه‌یاڵ" وه‌سف ده‌كه‌ن و ئاماژه‌ بۆ ئه‌وه‌ ده‌كه‌ن دواى ده‌رچوونى یاساى به‌ تاوانناساندنى ئاساییكردنه‌وه‌ى په‌یوه‌ندى له‌گه‌ڵ ئیسرائیل، ده‌رگا به‌سه‌ر هه‌موو جۆره‌ په‌یوه‌ندییه‌كى ئیسرائیلى و عێراقى داخراوه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین