پۆلیسى هەولێر چوار تۆمەتبار دەستگیر دەکات کوردستانی

نوچەنێت:

وتەبێژى پۆلیسى هەولێر ڕایدەگەیێنێت، بە تۆمەتى بازرگانیکردن بە ماددە هۆشبەرەکان، چوار کەس لە گەڕەکى باداوەى هەولێر دەستگیرکراون.

ئەمڕۆ سێشەممە (21/حوزەیران/2022) هۆگر عەزیز، وتەبێژى پۆلیسى هەولێر لە کۆنگرەیەکى ڕۆژنامەوانیدا ڕایگەیاند، "دواى ئاگادارکردنەوەى هێزەکانى پۆلیس لەلایەن هاووڵاتییانەوە لە گەڕەکى باداوان لە هەولێر، کەوا ماڵێک هەیە لەو گەڕەکە ماددەى هۆشبەر بەکاردەهێنن و دەیفرۆشن."

هۆگر عەزیز دووپاتى کردەوە، "دواى بەدواداچوون توانرا چوار تۆمەتبار، کە دوو پیاو و دوو ئافرەتن دەستگیر بکەین، کەوا تەمەنیان لە نێوان 53 بۆ 54 ساڵیدان."

وتەبێژى پۆلیسى هەولێر گووتیشى، "ئەو کەلوپەلانەى دەستى بەسەرداگیراوە، بریتییە لە چەندین جۆرى ماددەى هۆشبەر و کەلوپەلى بەکارهێنانى ماددە هۆشبەرەکان و چەند جۆرێک چەقۆ."

باسى لەوەشکرد، ئەو چوار تۆمەتبارەى دەستگیرکراون، هه‌م به‌كارهێنه‌ری مادده‌ی هۆشبه‌رن و هه‌میش بازرگانیان به‌و ماددانه‌وه‌ کردووە.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین