Nuce Logo

ئەمڕۆ سێشەممە (26/تەممووز/2022) بەڕێوبەرەیەتیى هاتووچۆى هەولێر لە ڕاگەیێندراوێکدا، کات و شوێنى پشکنینى ئەو ئۆتۆمبێلانەى کە دووبارە پشکنینان بۆ ئەنجام دەدرێت بڵاوکردەوە.

بەپێى ڕاگەیێندراوەکەدا، "ڕۆژی شەممەی داهاتوو کەدەکاتە (30/7/2022) لەهەر سێ سەنتەری پشکنین (32ی پاڕک، گوێڕ، کەسنەزان) دەست بکرێت بەدوبارە پشکنینەوەی ئوتومبێلەکان کەپێشتر پشکنینیان بۆئەنجامدرابو وەدەرنەچوبون."

دەقى بڕیارەکانى بەڕێوەبەرایەتیى هاتووچۆى هەولێر:

یەکەم: ڕۆژی شەممەی داهاتوو کەدەکاتە (30/7/2022) لەهەر سێ سەنتەری پشکنین (32ی پاڕک، گوێڕ، کەسنەزان) دەست بکرێت بەدوبارە پشکنینەوەی ئۆتۆمبێلەکان کە پێشتر پشکنینیان بۆ ئەنجامدرابو وەدەرنەچووبوون.

دووەم: بۆ ئەوەی لۆد و قەرەبالغی دروست نەبێت لەهەریەکێک لەو سەنتەرانە، لەڕۆژانی شەممە (300) ئۆتۆمبێل پشکنینی بۆئەنجام بدرێت.

سێیەم: بە پێشوەختە لەڕاگەیاندنەکانەوە لیستی ئەو ئۆتۆمبێلانە دیاری دەکرێن، وە ڕۆژی سەردانیان و شوێنەکەیان بۆدیاری دەکرێت، واتا سەردانیکردنی سەنتەرەکان بەپێی سیستەم دەبێت، وە هەر ئۆتۆمبێلێک لەکات و شوێنی دیاریکراوی خۆی سەردانى نەکات پشکنینەکەی بۆ ئەنجام نادرێت.

چوارەم: ئەو ئۆتۆمبێلانەی کە پشکنینی دووبارەیان بۆدەکرێتەوە لەسەنتەری پشکنینی (32ی پاڕک)، دەبێت بۆ ڕۆژی یەکشەممەی دواتر سەردانی هاتووچۆی هەولێر بکەن لە کاتژمێر(2)ی پاش نیوەڕۆ، بۆ تۆمارکردنی ئۆتۆمبێلەکانیان.

پێنجەم: ئەو ئۆتۆمبێلانەی کەپشکنینی دووبارەیان بۆ دەکرێتەوە لەسەنتەری پشکنینی  (کەسنەزان)، دەبێت بۆ ڕۆژی دووشەممەی دواتر سەردانی هاتووچۆی هەولێر بکەن لەکاتژمێر(2)ی پاش نیوەڕۆ، بۆ تۆمارکردنی ئوتومبێلەکانیان.

شەشەم: ئەوئوتومبێلانەی کەپشکنینی دووبارەیان بۆ دەکرێتەوە لەسەنتەری پشکنینی (گوێڕ)، دەبێت بۆ ڕۆژی سێشەممەی دواتر سەردانی هاتووچۆی هەولێر بکەن لەکاتژمێر(2)ی پاشنیوەڕۆ بۆ تۆمارکردنی ئۆتۆمبێلەکانیان.

حەوتەم: هەر ئۆتۆمبێلێک کە شوێنی خۆی و بەڕواری سەردانیکردنی خۆی بۆ دیاری دەکرێت، دەبێت لەو بەڕوارە سەردان بکات ئەگەرنا دوادەخرێت تاکۆتایی پرۆسەکە.