لەم هەفتەیە (100) ملیار دینارى پارەى گەنمى جووتیاران دەگاتە هەرێمى کوردستان کوردستان- عێراق

نوچەنێت:

کەمال موسلیم، وەزیری بازرگانی و پیشەسازیى حکومەتى هەرێمی کوردستان ئاشکراى دەکات، لەم هەفتەیەدا، پارەى سێ ساڵى ڕابردووى گەنمى جووتیارانى هەرێمى کوردستان دەگاتە بانکەکانى هەولێر و دەشڵێت، لە چەند ڕۆژى داهاتوو (208) ملیار دینارى دیکەش دەگاتە دەستمان.

دوێنێ شەممە (شەشى/ئاب/2022) کەمال موسلیم، وەزیری بازرگانی و پیشەسازی بە رووداوى ڕاگەیاند، سەرەتای ئەم هەفتەیە (100) ملیار دینار پارەی گەنمی جووتیاران هی ساڵانی (2014، 2015، 2016) دەگاتە هەرێمى کوردستان و دوای رێکارەکان دەست بە دابەشکردنی دەکرێت.

وەزیرى بارزگانى و پیشەسازى ئاماژەى بەوەشکرد، چاوەڕێ دەکەن لە چەند ڕۆژى داهاتوو، (208) ملیار دینارى تریش پارەى گەنمى جووتیاران لە بەغداوە بگاتە هەرێمى کوردستان. 

لە چەند ساڵى ڕابردوو جووتیارانى هەرێمى کوردستان گەنم و جۆکانیان ڕادەستى سایلۆکانى سنوورى حکومەتى عێراقى کردبوو، بەڵام تاوەکو ئێستا بەشێک لە شایستە داراییەکانیان بۆ خەرج نەکراوە.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین