ده‌سته‌ى ده‌ستپاكى عێراق : 280 وه‌زیر و به‌رپرسى باڵا به‌ گه‌نده‌ڵى تۆمه‌تبارن عێراق ناوچەکە و جیهان

نوچه‌نێت

ده‌سته‌ى ده‌ستپاكى عێراق رایگه‌یاند، 39 وه‌زیر و پله‌ى هاوشانى وه‌زیر، له‌گه‌ڵ 241 به‌رپرسى تايبەت و به‌ڕێوه‌به‌رى گشتى به‌ گه‌نده‌ڵى تۆمه‌تبارن.

ئه‌مڕۆ پێنجشه‌ممه‌ 11/ئاب/2022 ده‌سته‌ى ده‌ستپاكى فیدڕاڵى له‌ به‌غدا له‌ كۆنگره‌یه‌كى رۆژنامه‌وانى راگه‌یاند، له‌ نیوه‌ى یه‌كه‌مى ئه‌مساڵ 34 هه‌زار و 209 حاڵه‌تى ئاگاداركردنه‌وه‌ له‌ گه‌نده‌ڵى هه‌بووه‌، روونیشى ده‌كاته‌وه‌ ده‌سته‌كه‌ توانیویه‌تى به‌ بڕى تریلیۆنێك و 773 ملیار دینار له‌ سامانى به‌هه‌ده‌رچوو بۆ گه‌نجینه‌ی ده‌وڵه‌ت بگێڕێته‌وه‌.

جگه‌ له‌مه‌ ده‌سه‌ڵاتى دادوه‌رى له‌ دۆسیه‌ى گه‌نده‌ڵى، 731 فرمانى گرتنى ده‌ركردووه‌، نزیكه‌ى 396 بڕیار جێبه‌جێكراون، كه‌ هه‌شت بڕیاریان بۆ وه‌زیر و هاوشانى پله‌ى وه‌زیریى بوون، 53 بڕیاریش بۆ پله‌ى تایبه‌ت و به‌ڕێوه‌به‌ره‌ گشتییه‌كان بووه‌.

به‌ پێى راپۆرتى رێكخراوى شه‌فافیه‌تى نێوده‌وڵه‌تى كه‌ ساڵانه‌ بڵاوده‌كرێته‌وه‌، چه‌ند ساڵێكه‌ عێراق له‌ گه‌نده‌ڵى له‌ ریزى پێشه‌وه‌یه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین