هۆكارى پێشخستنى كۆبوونه‌وه‌ى كازمى ئاشكرا ده‌كرێت عێراق ناوچەکە و جیهان

نوچه‌نێت

له‌ برى سێشه‌ممه‌ ئه‌مڕۆ ئه‌نجومه‌نى وه‌زیرانى عێراق به‌ سه‌رۆكایه‌تى مسته‌فا كازمى سه‌رۆكى ئه‌نجومه‌نى وه‌زیران كۆبووه‌وه‌، سه‌رچاوه‌یه‌ك ئاشكراى ده‌كات، به‌ هۆى ئه‌وه‌ى كازمى سه‌ردانى میسر ده‌كات، كۆبوونه‌وه‌كه‌ پێشخراوه‌.

ئه‌مڕۆ یه‌كشه‌ممه‌ 21/ئاب/2022 ئه‌نجومه‌نى وه‌زیرانى عێراق به‌ سه‌رۆكایه‌تى مسته‌فا كازمى كۆبووه‌وه‌، ئه‌مه‌ یه‌كه‌م كۆبوونه‌وه‌ى ئه‌نجومه‌نى وه‌زیرانه‌ له‌ ماوه‌ى سه‌رۆكایه‌تى كازمى كه‌ له‌ سه‌ره‌تاى هه‌فته‌دا ئه‌نجام بدرێت.

سه‌رچاوه‌یه‌كى ئاگادار به‌ ماڵپه‌ڕى به‌غداد توده‌ى راگه‌یاندووه‌، بڕیاره‌ كازمى سه‌ردانى میسر بكات، بۆ ئه‌وه‌ى له‌ كۆنگره‌یه‌كى عه‌ره‌بى كه‌ له‌ میسر به‌ڕێوه‌ده‌چێت، به‌شدار بێت، بۆیه‌ كۆبوونه‌وه‌كه‌ پێشخراوه‌.

بڕیاره‌ له‌ شارى عه‌له‌مه‌ین له‌ میسر كۆنگره‌یه‌كى عه‌ره‌بى له‌سه‌ر ئاستى سه‌رۆكایه‌تى وڵاتانى عه‌ره‌بى به‌ڕێوه‌بچێت، كه‌ هه‌ر یه‌كه‌ له‌ ئیمارات ومیسڕ و عێراق و ئوردن وقه‌ته‌ڕ تێیدا به‌شدار ده‌بن، له‌ كۆنگره‌كه‌ جیا له‌ بابه‌تى هاوكارى هه‌واڵگرى باس له‌ چه‌ندان دۆسیه‌ى تریش ده‌كرێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین