بە هۆى شۆرتى کارەباوە شەش ماڵ لە کەمپى هەرشەم یەک سووتا کوردستانی

نوچەنێت:

بە هۆى کەوتنەوەى ئاگرێک لە کەمپى هەرشەم یەک لە سنوورى پارێزگاى هەولێر، چەندین ماڵ دەسووتێن، بەشێک لەو خێزانە تەنانەت بەڵگەنامە و ناسنامەکانیشیان بۆ دەرنەچووە.

بەرەبانى ئەمڕۆ سێشەممە (شەش/ئەیلوول/2022) بە هۆى کەوتنەوەى ئاگر لە کەمپى هەرشەم یەک لە سنوورى پارێزگاى هەولێر، شەش ماڵ سووتان، بەڵام جگە لە زیانى ماددى هیچ زیانێکى گیانى لێنکەوتۆتەوە.

سەبارەت بە هۆکارى کەوتنەوەى ئاگرەکە، بەپێى وتەى دانیشتوانى ئەو کەمبە، بە هۆى شۆرتى کارەباوە بوو، کە تێیدا شەش کەرەڤانەکەى کەمپەکە بە تەواوى کەلوپەلەکانى ناوى سووتان.

کەمپى هەرشەم یەک، لە هاوینى ساڵى (2019) جارێکى تر سووتا، دانیشتوانەکەى ئاوارەى شەنگالن، هاوکات ڕۆژى سێى ئەم مانگە رووداوێکى ترى ئاگرکەوتنەوە لە کەمپى ماجد کەندال کەوتەوە، بەو هۆیەوە (12) خێمەى ئەو کەمپە سووتان. 

 

 

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین