سەرۆک نێچیرڤان بارزانى: به‌بێ چاره‌سه‌ركردنى كێشه‌كانى هه‌ولێر ـ به‌غدا عێراق سەقامگیر نابێت
نوچەنێت:
ئەمڕۆ یەکشەممە (دووى/تشرینى یەکەم/2022) نێچیرڤان بارزانى، سه‌رۆكى هه‌رێمى كوردستان، پێشوازى له كریستیان كامبۆن سه‌رۆكى كۆمسیۆنى په‌یوه‌ندییه‌كانى ده‌ره‌وه و به‌رگرى و هێزه چه‌كداره‌كان له ئه‌نجومه‌نى پیران (سێنات)ى فه‌ره‌نسا و شاندێكى یاوه‌رى كرد.
سەرۆکایەتیى هەرێمى کوردستان لە ڕاگەیێندراوێکدا ئاماژە بەوەدەکات، "له دیدارێكدا په‌یوه‌ندییه‌كانى هه‌رێمى كوردستان و عێراق له‌گه‌ڵ فه‌ره‌نسا و چۆنیه‌تیى بره‌ودان به هاریكاریى هاوبه‌شى نێوانیان خرانه به‌ر باس و ده‌رباره‌ى كێشه‌كانى هه‌ولێر ـ به‌غدا، مه‌ترسییه‌كانى داعش له عێراق و سووریا، دۆخى سیاسى و ته‌حه‌دییه‌كانى به‌رده‌م عێراق، بیروڕایان ئالوگۆڕ كرد."
هاوكات سه‌رۆك نێچیرڤان بارزانى، "سوپاس و پێزانینى هه‌رێمى كوردستانى بۆ پشتگیریى سیاسى، سه‌ربازى و مرۆییى فه‌ره‌نسا دووپات كرده‌وه و به‌تایبه‌تى ئاماژه‌ى به ڕۆڵى سه‌رۆك ئیمانوێل ماكرۆن و هه‌وڵه‌كانى بۆ ئارامى و سه‌قامگیرى له عێراق و ناوچه‌كه به‌گشتى كرد."
سەرۆکى هەرێمى کوردستان جەختى لەوەشکردەوە، "به‌بێ چاره‌سه‌ركردنى كێشه‌كانى هه‌ولێر ـ به‌غدا، سه‌قامگیریی سیاسى له عێراق نایه‌ته ئاراوه و چاره‌سه‌ركردنى كێشه‌كانى هه‌ردوولاى به كلیلى ئارامى و سه‌قامگیریى عێراق له قه‌ڵه‌م دا."
سەبارەت بە پەیوەندییەکانى فەرەنسا و هەرێمى کوردستان كامبۆن، "وێڕاى دووپاتكردنه‌وه‌ى به‌رده‌وامیى پشتگیریى فه‌ره‌نسا بۆ هه‌رێمى كوردستان و گه‌یاندنى سڵاوى سه‌رۆك ماكرۆن و سه‌رۆكى سێناتى فه‌ره‌نسا به سه‌رۆك نێچیرڤان بارزانى، جه‌ختى له گرنگیى بره‌ودان به په‌یوه‌ندییه‌كانى وڵاته‌كه‌ى له‌گه‌ڵ عێراق و هه‌رێمى كوردستان، به‌تایبه‌تیش له بوارى ئابوورى و وه‌به‌رهێناندا كرده‌وه، هه‌روه‌ها ئاماده‌ییى فه‌ره‌نساى بۆ یارمه‌تیدانى عێراق و هه‌رێمى كوردستان بۆ چاره‌سه‌كردنى كێشه‌كانیان و گێڕانه‌وه‌ى سه‌قامگیرى نیشان دا."
لە دیدارەکەدا کە كونسولى گشتیى فه‌ره‌نسا له هه‌رێمى كوردستان و نوێنه‌رى حكوومه‌تى هه‌رێمى كوردستان له فه‌ره‌نسا، ئاماده‌ى بوون، "په‌یوه‌ندییه‌كانى عێراق و هه‌رێمى كوردستان له‌گه‌ڵ وڵاتانى دراوسێ، چۆنیه‌تیى به‌ره‌نگاربوونه‌وه‌ى هه‌ڕه‌شه‌كانى داعش، ڕه‌وشى ئێزدى و كریستیان و پێكهاته‌كان له هه‌رێمى كوردستان، دۆخى ناوچه‌كه به‌گشتى" تاوتوێکرا.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment