باخچه‌لى: لە گفتوگۆکانى ئاكپارتى وهه‌ده‌پە نیگەران نین تورکیە
دەوڵەت باخچەلى، سەرۆكى مەهەپە، لە كۆبوونەوەيەك لەگەڵ فراكسۆنى پارتەكەى لە پەرلەمانى توركيا باسى لە كۆبوونەوى پارتى دادوگەشەپێدان لەگەڵ پارتى ديموكراتى گەلان هەدەپە كرد و رايگەياند، "سەردانى ئاكپارتى كارێكى ئاساييە، بۆ ئێمە مايەى نيگەرانييە."

رۆژى سێشه‌ممه‌ (هەشتى/تشرينى دووه‌م/2022) ماڵپه‌رى (بى بى سى) بڵاويكرده‌وه‌، ده‌وڵه‌ت باخچه‌لى، سه‌رۆكى گشتى پارتى مه‌هه‌په‌، ستايشى سەردانى شاندى ئاكپارتى كرد بۆ لاى هەدەپە، كە گفتوگۆيان لەسەر هەمووارى دەستوورى بۆ دانان بە ئازادى باڵاپۆشى لە شوێنە گشتييەكان كردووە، ئەوەش هەنگاوێكى دروست و ئاساييە.

سەبارەت بە هێرشەكانى كەمال كليچدار ئۆغلۆ، سەرۆكى جەهەپەش خاخچەلى رايگەياند، "كليچدار ئۆغلۆ سياسييەكى وەك سياسيەكى بەڵێندەرە راسپێردراوە بۆ ئەوەى سوكايەتى بە ئەتاتورك بكات و كۆتايى بە پارتى گەلى كۆمارى بهێنێت."

دەربارەى سەدارنەكەى ئاكپارتيش بۆلا ئەو پارتە كوردييە سەرۆكى مەهەپە روونيكردەوە ئەو سەردانە بە ئامانجى گفتوگۆكردن بووە لەسەر پارێزگارى لە خێزان و باڵاپۆشى، كۆبوونەوەى پارتى فەرمانڕەوا لەگەڵ پارتە سياسييەكان لە چوارچەى پەرلەمان بۆ گفتوگۆ كارێكى پێويستە، ئێمە سەيرى ئەوە ناكەين ئەو پارتە كوردييە، بەڵكو سەيرى چۆنييەتى چارەسەركردنى ديموكراسى و لۆژيكى بۆ كێشەكان دەكەين، چونكە ئێمە سەيرى كرۆك دەكەين نەك سەيرى رووكەش.
پارتى نەتەوە پەرستى توركى ناكۆكى قووڵى لەگەڵ هەدەپە هەيە، لە ماوەى رابردوو داواى هەڵوەشاندنەوەى ئەو پارتە كورديەى دەكرد. 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین