سعودیە پێشوازی لە هەڵوێستی وڵاتان بەرامبەر داننان بە دەوڵەتی فەڵەستین دەكات
نوچە نێت
ڕۆژی پێنجشەممە (31/تەمموز/2025) ماڵپەڕی (عەڕەبیە) وەزارەتی دەرەوەی سعودیە لە ڕاگەیێندراوێکدا دەڵێت، سعودیە ستایشی ئەو بڕیارانە دەکات کە ڕێگە خۆشکەرن و چارەسەری دوو دەوڵەت بەهێز دەکەن و جەخت لەسەر کۆدەنگی نێودەوڵەتی دەکاتەوە لەسەر پێویستی چارەسەرکردنی ئەو ئاڵەنگارییانەی ڕووبەڕووی هاووڵاتیانی فەلەستین دەبنەوە.
بە گوێرەی ڕاگەیێندراوەکەی وەزارەتی دەرەوەی سعودیە، سعودیە پێشوازی لە ڕاگەیاندنی پورتوگالیش کرد کە بیر لە داننان بە دەوڵەتی فەلەستین دەکاتەوە و داوای لە هاوبەشە جیهانییەکان کرد هەنگاوی هاوشێوە بنێن بۆ یارمەتیدان لە گەیشتن بە ئاشتییەکی دادپەروەرانە و گشتگیر. ئەمەش دوای ئەوەی ئۆفیسی سەرۆک وەزیرانی پورتوگال لە بەیاننامەیەکدا ڕایگەیاند، "پورتوگال بیر لە داننان بە دەوڵەتی فەلەستین دەکاتەوە، وەک بەشێک لە ڕێوشوێنەکان کە بڕیارە لە مانگی ئەیلوولی (2025) لە کۆبوونەوەی گشتیی نەتەوە یەکگرتووەکان بەڕێوەبچێت.
ئەم پێشوازییەی سعودیە لە کاتێکدایە لە چەند ڕۆژی ڕابردوودا هەریەکە لە سەرۆک وەزیرانی کەنەدا و ماڵتا ڕایانگەیاند، "پلانیان هەیە لە کۆبوونەوەی کۆمەڵەی گشتیی نەتەوە یەکگرتووەکان دان بە دەوڵەتی فەلەستین دابنێن".
جێگەی ئامەژە پێدانە، هەفتەی ڕابردوو ئیمانوێل ماکرۆن، سەرۆکی فەڕەنسا سەبارەت بە نیازی فەڕەنسا بۆ داننان بە دەوڵەتی فەلەستین هەمان بڕیاری ڕاگەیاند. ئەم هەفتەیەش بەریتانیا ئاماژەی بەوەدا کە پێویستە ئیسرائیل ڕێوشوێنی تایبەت بۆ ئاسایی کردنەوەی بارودۆخی غەزە جێبەجێ بکات.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment