هۆڵندا گەشتە ئاسمانییەكانی رادەگرێت عێراق ناوچەکە و جیهان

نوچە نێت

رۆبن بریكلمانس، وەزیری بەرگری هۆڵندا رایگەیاند، بەهۆی بوونی فڕۆكەی بێفڕۆكەوان لە ئاسمانی وڵاتەكەی گەشتە ئاسمانییەكانی فڕۆكەخانەی نێودەوڵەتی راگیران، سەرۆكی كۆمسیۆنی ئەوروپاش ئەو پێشێلكاریانە بە جەنگ ناو دەبات.

ئەمرۆ یەكشەممە (2025/11/23) ماڵپەڕی (جەزیرە) بڵاوی كردەوە، بەهۆی بوونی فڕۆكەی بێفڕۆكەوان لەسەر بنكەی فۆڵكولی ئاسمانی بە دووری (40) كیلۆمەتر لە باكووری رۆژهەڵاتی ئایندهۆڤن گەشتە ئاسمانییەكانمان بۆ ماوەی دوو كاتژمێر راگرت.

شەوی رابردوو سوپای هۆڵدا رایگەیاند، چەكی دژە فڕۆكەی بێفڕۆكەوانمان بەكارهێناوە، لەدوای تۆماركردنی بوونی فڕۆكەی ئاسمانی لەسەر بنكەی فۆڵكوڵی ئاسمانی.

وەزیری بەرگری هۆڵندا روونیكردەوە، ئەو فڕۆكەخانەیە مەدەنی و سەربازیی، بۆیە بڕیاردرا سەرجەم جووڵە ئاسمانییەكانی تێیدا رابووەستێت، كە بۆتە راگرتنی فڕۆكەخانەكان لە وڵاتانی ئەوروپا.

لە ماوەی چەند مانگی رابردوو چەندین جار ئاسمانی ئەوروپا بەزێندراوە، ئۆرسولا ڤۆن دێر لاین، سەرۆكی كۆمسیۆنی ئەوروپا ئەو سنووربەزاندنانە بە جەنگ ناو دەبا

لە مانگی ئیلوولی ئەمساڵەوە تاوەكوو ئێستا زیاتر لە (20) فڕۆكەی بێفڕۆكەوانی رووسی ئاسمانی پۆڵندایان بەزاندووە، هەروەها سێ فڕۆكەی بێفڕۆكەوانی رووسی بۆ ماوەی (12) خولەك ئاسمانی ئیستونیای بەزاندووە.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین