پەرلەمانتارێكی ئەڵمانیا داوا لە وڵاتەكەی دەكات پەیوەندی دیپلۆماسی لەگەڵ رۆژئاوای كوردستان بكاتەوە
نوچە نێت
ئەمرۆ یەكشەممە (2025/12/14) ماکس لوکس، ئەندامی پەرلەمانی فیدراڵی ئەڵمانیا (بۆندستاگ) بە رووداوی رایگەیاند، مامەڵەی ئێستای حکومەتی ئەڵمانیا لەگەڵ دۆخی سووریا تەنیا بریتییە لە چاودێریکردن، ئەمەش بە "پشتگوێخستنی بەرپرسیارێتی" ناودەبات ئەگەر ئامانج لێی گەیشتن بێت بە سووریایەکی ئارام و دیموکراسی.
سەبارەت بە هەنگاوی پێویست، ئەو پەرلەمانتارە ئەڵمانییە گوتی، دەبێت حکومەتی فیدراڵی لە دوو رووەوە هەڵوێستی هەبێت. یەکەمیان، دەبێت "ئەو تاوانانەی" بە گوتەی خۆی لە لایەن ئەحمەد شەرع، سەرۆک کۆماری قۆناخی راگوزەری سووریا و هێزەکانییەوە کراون، بە روونی سەرکۆنە بکرێن و داوای پاراستنی سەرجەم پێکهاتەکان بکرێ.
لە بەشێكی دیكەی قسەكانی جەختی لەسەر ئەوە كردەوە، كە دەبێت حکومەتی فیدراڵی پشتیوانی لە بەڕێوەبەرایەتییە خۆسەرەکانی پێکهاتەکان بکات، بەو واتایەی کەناڵە دیپلۆماسییەکان بە شێوەیەکی فەرمی بکرێنەوە، بەتایبەتی بۆ بەڕێوەبەرایەتیی خۆسەری کوردی لە باکووری رۆژهەڵاتی سووریا.
سەبارەت بە داواکارییەکانی گۆڕینی ناوی "کۆماری عەرەبیی سووریا" بۆ "کۆماری سووریا" بۆ ئەوەی گوزارشت لە هەموو نەتەوەکان بکات، پەرلەمانتارەکەی ئەڵمانیا ئاماژەی بەوە کرد، ئەورووپا مافی ئەوەی نییە ناوی وڵاتەکە دیاری بکات، بەڵام ئەرکی ئەوانە دڵنیابن لەوەی هەموو پێکهاتەکان بەشدارن لە بڕیاردان.
لوکس گوتیشی: "دەبێت دڵنیا بینەوە لەوەی هەموو پێکهاتە نەتەوەییەکان لە سووریا بە شێوەیەکی یەکسان رۆڵیان پێ دەدرێت و بڕیار لەسەر ناوی وڵاتەکەیان دەدەن، چونکە سووریا وڵاتێکی فرەڕەنگە و لە عەرەبیبوون زیاترە."
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment