سوننه‌ داواى پۆستى وه‌زاره‌تى ده‌ره‌وه‌ى عێراق ده‌كات عێراق ناوچەکە و جیهان

نوچه‌نێت

كه‌ریم ئه‌بوسوده‌ په‌رله‌مانتارى عێراق ئاشكراى كردووه‌ له‌ حكومه‌تى داهاتوو پێكهاته‌ى سوننه‌ داواى پۆستى وه‌زاره‌تى ده‌ره‌وه‌ى عێراق ده‌كات و دووپاتیشى ده‌كاته‌وه‌ كاندیدى سوننه‌ بۆ سه‌رۆكایه‌تى په‌رله‌مان هه‌ر محه‌مه‌د حه‌لبووسییه‌.

ئه‌مڕۆ هه‌ینى 17ى ئه‌یلوول كه‌ریم ئه‌بوسوده‌ په‌رله‌مانتارى عێراق لێدوانێكى بۆ به‌شى عه‌ره‌بى ماڵپه‌ڕى رووداو داوه‌ و ئاشكراى ده‌كات، لایه‌نه‌كانى پێكهاته‌ى سوننه‌ هه‌وڵ ده‌ده‌ن له‌ حكومه‌تى داهاتوو پۆستى وه‌زاره‌تى ده‌ره‌وه‌ به‌ ده‌ست بهێنن. كه‌ ماوه‌ى چه‌ندان ساڵه‌ كورد به‌ڕێوه‌ى ده‌بات.

سه‌باره‌ت به‌ هه‌ر دوو پۆستى سه‌رۆكایه‌تى كۆمار و په‌رله‌مانایش ئه‌و په‌رله‌مانتاره‌ ده‌ڵێ، هه‌ر یه‌كه‌ له‌ كورد و سوننه‌ په‌یوه‌ستن به‌ سه‌رۆكایه‌تیه‌كه‌ى پێشتر، واته‌ كورد سه‌رۆكایه‌تى كۆمار و سوننه‌یش سه‌رۆكایه‌تى په‌رله‌مان. ئاشكرایشى ده‌كات تا ئێستا محه‌مه‌د حه‌لبووسى سه‌رۆكى ئێستا په‌رله‌مان كاندیدى سه‌رۆكایه‌تى په‌رله‌مانه‌.

بڕیاره‌ له‌ 10ى مانگى داهاتوو هه‌ڵبژاردنى پێشوه‌خته‌ى عێراق به‌ڕێوه‌بچێت. دواى 2005 به‌ ته‌وافوقێكى سیاسى سێ سه‌رۆكایه‌تییه‌كه‌ى عێراق به‌سه‌ر هه‌ر سێ پێكهاته‌ى كورد و شیعه‌ و سوننه‌ دابه‌شكراون.
 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین