سبه‌ى لایه‌نه‌ ناڕازییه‌كانى هه‌ڵبژاردن خۆپیشاندانێكى سه‌رتاسه‌رى ده‌كه‌ن عێراق ناوچەکە و جیهان

نوچه‌نێت

لایه‌نه‌ ناڕازییه‌كانى هه‌ڵبژاردنى پێشوه‌خته‌ى په‌رله‌مانى عێراق له‌ راگه‌یێندراوێكدا، بۆ سبه‌ى هه‌ینى داواى خۆپیشاندانى سه‌رتاسه‌رى له‌ شاره‌كانى عێراق ده‌كه‌ن و به‌ ناوى "هه‌ینى دوایین ده‌رفه‌ته‌".

ئه‌مڕۆ پێنجشه‌ممه‌ چوارى تشرینى دووه‌م "نۆڤێمبه‌ر" لایه‌نه‌ ناڕازییه‌كانى هه‌ڵبژاردنى پێشوه‌خته‌ى په‌رله‌مانى عێراق له‌ راگه‌یێندراوێكدا كه‌ له‌ میدیاكانى عێراق بڵاوكراوه‌ته‌وه‌، داوایان له‌ لایه‌نگرانیان كردووه‌ له‌ به‌غدا و ته‌واوى شاره‌كانى عێراق خۆپیشاندان له‌ دژى كۆمیسیۆن و ئه‌نجامه‌كانى هه‌ڵبژاردن بكه‌ن.

له‌ راگه‌یێندراوه‌كه‌ هاتووه‌، "داوا له‌ جه‌ماوه‌ره‌كه‌مان له‌ ته‌واوى شاره‌كانى عێراق ده‌كه‌ین، خۆپیشاندانى ئاشتییانە بكه‌ن، كه‌ له‌وانه‌یه‌ دوایین هه‌ڵبژاردن بێت به‌ ناونیشانى (هه‌ینى دواین ده‌رفه‌ته‌) ئه‌مه‌ پێش ئه‌وه‌ ده‌ست به‌ قۆناغێكى ترى هه‌ڵكشان بكه‌ین". له‌ راگه‌یێندراوه‌كه‌ كۆمیسیۆن به‌وه‌ تۆمه‌تبار ده‌كرێت گوایە رۆڵێكى گوماناوى ده‌گێڕێت.

ماوه‌ى سێ هه‌فته‌ زیاتره‌ لایه‌نه‌ دۆڕاوه‌كانى هه‌ڵبژاردن كه‌ زۆربه‌یان له‌ میلیشیاكانى شیعه‌ن، خۆپیشاندان ده‌كه‌ن و داواى پووچه‌ڵكردنه‌وه‌ى ئه‌نجامه‌كانى هه‌ڵبژاردنى 10ى تشرینى یه‌كه‌م ده‌كه‌ن.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین