وەزارەتی داریی عێراق: لە پێناو پاراستنی بوودجەی عێراق نرخی دینارمان دابەزاند کوردستان- عێراق

نوچەنێت

لە تازەترین بەیاننامەیدا، وەزارەتی داریی عێراق کاریگەری و لێكەوتەکانی پەتای کۆرۆنای بۆسەر ئابووری عێراق و بوودجەکەی ئاشکرا کردن و هەروەها پێشبینیەکانی بۆ دووبارە بواژنەوەی ئابووری عێراقی لە ساڵی 2022ــدا خستنەروو و کەمکردنەوەی بەهای دیناری عێراقی و بەرزبوونەوەی نرخی نەوتی، بە فاکتەرە سەرەکییەکانی بواژنەوەی ئابووری عێراق ئەژمار کرد

وەزارەتی دارایی عێراق، بەیاننامەیەکی تایبەتی بە بەهای دیناری عێراقی و هۆکاری مامەڵەکردن بەو نرخەی ئێستا و رەوشی ئابووری عێراق لەسەردەمی کۆرۆنادا بڵاو کردەوە.

لە بەیاننامەکەی وەزارەتی دارایی عێراقدا، کە کۆپیەکی دەست دەزگای نووچە کەوتووە هاتووە، هۆکاری مانەوەی بەهای دیناری عێراقی بەو نرخەی ئێستا، لە پێناو زیادکردنی بەرهەمهێنانی نیشتمانی و پاراستنی یەدەگی بانکی ناوەندی عێراقی  و پاڵپشتیکردنی بوودجەی عێراق بووە.

هەروەها دەشڵێت" لە ماوەی سێ ساڵی رابردوودا، نزمبوونەوەی نرخی نەوت و لێكەوتەکانی پەتایی کۆرۆنا بوون بۆسەر کەرتی تەندورستی عێراقی، بوونە هۆی سەرهەڵدانی  قەیرانەکانی دارایی و هەڵكشانی ڕێژەی هەڵئاوسان و بەرزبوونەوەی رێژەی تێچووە حکوومیەکان و ئەنجام دروستبوونی مەترسی بۆسەر بوودجەی نیشتمانی عێراقی و هاوکات، دواکەوتنی مووچەی کارمەندانی دەوڵەت ئابووری  بازارو کۆمەڵایەتی عێراقی تووشی هەرەشەیەکی مەترسیدار کرد".

سەبارەت بە ئابووری عێراق و پشت بەستنی بە داهاتە نەوتیەکان، وەزارەتی داریی عێراق دەلێت" عێراق یەکێکە لەو وڵاتانەی کە هەناردەکردنی نەوت ڕێژەی ٪99ــی هەناردەکردنی عێراق پێكدەهێنێت و لەهەمانکتدا، ڕێژەی ٪85ــی بوودجەی عێراق لە ڕێگەی داهاتی نەوتیەوە دابین دەکرێت و بەمەیش ٪42ــی داهاتی تاکە کەسی عێراقی پشت بە داهاتە نەوتیەکان دەبەستێت، بۆیە هەر گۆرانکاریەک لە نرخی نەوت و بازاری نەوتی، کاریگەری لەسەر ئابووری عێراق دروست دەکات".

هەروەها خەجت لەوەیش دەکاتەوە، کە لێکەوتەکانی پەتای کۆرۆنا، بوونە هۆی دابەزینی ئاستی داهاتی ناوخۆیی عێراق بە ڕێژەی ٪15.7 و هاوکات لەگەل ئەوەیشدا پارەی دابینکراوی بوودجەی عێراق بۆ ساڵی 2020 بە رێژەی ٪9 داتەپی، بە مەیش بودجەی عێراق لە ٪42 بۆ ٪32 دابەزینی بەخۆیەوە بینی.

هەموو ئەمانە هۆکار و فاکتەری سەرەکی بوون لە بەرزبوونەوەی رێژەی هەژاری لە ٪12.7 بۆ ٪22.7 تەنیا لە ساڵی 2021ــدا.

دروستبوونی مەترسی لەسەر ئاسایشی خۆراک و پێنەدانی بەشە خۆراکی مانگانە لەلایەن حکوومەتی عێراق، بارگرانی  زیاتری بۆ خراپتربوونی گوزەرانی خانەوادە عێراقیەکان دروست کرد، هەرچەندە حکوومەت هەوڵێکی زۆریدا لە ڕێگەی دابینکردنی هاوکاری بۆ خیزانەکان، بەشە خۆارکی تایبەت ئامادە بکات.

 

ڕێژەی بێکاری پێوەندیەکی راستەوانەی هەیە لەگەڵ هەڵكشانی ڕێژەی تووشبوان بە کۆرۆنا

سەبارەت بە داهاتووی بازارەکانی عێراق و گەشەی ئابووریەکەی، وەزارەتی دارایی، جەخت لەوە دەکاتە پێشبینی دەکەین ساڵی 2022، بۆ عێراق سالێ جیاواز بێت و بەهۆی زیادکردنی ڕێژەی بەرهەمهێنانی نەوت و لە ئۆپێک پلەس، ئابووری عێراق زیاتر ببوژێتەوەو، بە تایبەت دوای ئەوەی ئابووری عێراق لە نیوەی یەکەمی ساڵی 2021، بەڕێژەی ٪0.09 گەشەی کردووە و داهاتە نا نەوتیەکان بە ڕێژەی ٪21 زیدیان کردووە.

هاوکات دەشڵێت" زیادبوونی ڕێژەی پێدانی ڤاکسینی کۆرۆنا کاریگەری لەسەر دووبارە بوژانەوەی بازاڕەکان دروستکردووە ، بەلام ڕێژەی هەڵئاوسان لە نیوان ٪5.2 بۆ ٪6.3 کەم و زیادی کردووە، ئەمەیش بە هۆی زیادبوونی ڕێژەی خواست و بواژنەوەی بازارەوە بووە".

لە کۆتایدا وەزارەتی دارایی عێراق ئاشکرای دەکات، نیوەی دووەمی ساڵی 2021 بووە هۆی بوژانەوەیەکی خێرای داهاتەکانی عێراق، بە هۆی ئەوەی نرخی هەر بەرمیلێک نەوت بە تێكرای 64 دۆلار و زیاتریش فرۆشراوە، هەروەها ڕێژەی داهاتە گومرگیەکان و باجەکانی حکوومەت بەرزبوونەتەوە ، ئەمەیش بۆتە هۆی کەمبوونەوەی ئاستی کورتهێنانی بوودجەی عێراق.

هەروەها دووپاتیدەکاتەوە کە داتایە بڵاوکراوەکانی پرسە داراییەکانی عێراق ئەوە دەخەنەڕوو کە بوودجەی عێراق و داهاتەکانی بەرێژەی ٪42 زیادیان کردووە، ئەمەیش بەهۆی زیادبوونی ڕێژەی هەناردەکردنی نەوتی عێراق و کەمکردنەوەی بەهای دیناری عێراقیەوە بووە و پرۆسەی چاکسازیش، ڕۆڵێکی کارای گێراوە بۆ زیادبوونی داهاتە نا نەوتیەکان.

هەرچی تایبەتە بە  پرۆسەی کورتهێنان، زیادە داهاتی عێراق بە ڕێژەی ٪4.7 بووە هۆی زیاد بوونی داهاتی تاکە کەسی عێراق لە نیوەی یەکەمی 2021 زیادی کردووە ، ئەمەیش بۆتە هۆی زیادبوونی  ئاستی یەدەگی بانکی ناوەندنی عێراق بە بڕی 5 ملیار دۆلار  وگەیشتنی بە 85.5 ملیار دۆلاری ئەمریکی. واتە هەڵكشانی یەدەگی بانکیە لە 54 ملیار بۆ 85.5 ملیار بە ارورد بە ساڵی 2020.

وەزارەتی داریی عێراق ، پێشبینی دەکات لە ساڵی 2022، ئابووری عێراق بوژانەوە بە خۆیەوە ببینێت، بەڵام زیادبوونی ڕێژەی تووشبوان بە کۆرۆنا و دیاردەکانی وشکە ساڵی و گۆرانەکانی کەشوهەوا بە ریسک  ومەترسی سەرەکی دادەنێت و بە هۆکاری پشت بەرزنەبوونەوەی داهاتە نانەوتیەکانی عێراق مەزندەیان دەکات.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین