رۆژنامه‌یه‌ك : هه‌ڵبژاردنى سه‌رۆك كۆمار و سه‌رۆك وه‌زیران ئاسان نییه‌ عێراق ناوچەکە و جیهان

نوچه‌نێت

چاودێرانى سیاسى بۆ رۆژنامه‌ى زه‌ ناشیوناڵ باسیان له‌وه‌ كردووه‌، ئاسان هه‌ڵبژاردنى ده‌سته‌ى سه‌رۆكایه‌تى په‌رله‌مانى ئاماژه‌یه‌ك نییه‌ بۆ ئاسان هه‌ڵبژاردنى سه‌رۆك كۆمار و پێكهێنانى حكومه‌تى عێراق، بۆیه‌ دووپاتى ده‌كه‌نه‌وه‌ هێشتا عێراق له‌ ته‌نگژه‌یه‌كى سیاسى قووڵ ده‌ژیت.

ئه‌مڕۆ سێشه‌ممه‌ 11ى كانوونى دووه‌مى 2022 رۆژنامه‌ى زه‌ ناشیوناڵ كه‌ به‌ زمانى ئینگلیزى بڵاوده‌بێته‌وه‌، له‌ راپۆرتێكدا بۆچوونى چه‌ندان شرۆڤه‌كارى سیاسى به‌ناوبانگى وه‌رگرتووه‌ كه‌ به‌ یه‌كه‌وه‌ دووپاتیان له‌سه‌ر ئه‌وه‌ كردووه‌ته‌وه‌، مه‌رج نییه‌ هه‌ڵبژاردنى سه‌رۆك كۆمار و سه‌رۆك وه‌زیرانى داهاتووى عێراق  وه‌ك هه‌ڵبژاردنى ده‌سته‌ى سه‌رۆكایه‌تى په‌رله‌مان ئاسان بێت.

ریناد مه‌نسوور له‌ سه‌نته‌رى چیتام هاوس قسه‌ى بۆ رۆژنامه‌كه‌ كردووه‌ و ده‌ڵێ، "ده‌نگدانى رۆژى یه‌كشه‌ممه‌ بۆ هه‌ڵبژاردنى سه‌رۆكى په‌رله‌مان، مه‌رج نییه‌ ئاماژه‌ بێت بۆ یه‌كگرتوویى بزاوتى پێكهێنانى حكومه‌ت".

مه‌نسوور ده‌ڵێ، "هێشتا ته‌نگژه‌كه‌ بوونى هه‌یه‌ و هێشتا رۆشن نییه‌ كێ سه‌رۆك وه‌زیران ده‌بێت".

ئه‌و شرۆڤه‌كاره‌ پێشبینی ده‌كات له‌ پێكهێنانى حكومه‌ت و دابه‌شكردنى پۆسته‌كان دووباره‌ لایه‌نه‌كان بگه‌ڕێنه‌وه‌ سه‌ر به‌شبه‌شێنه‌وه‌ و ده‌شڵێ، "له‌وانه‌یه‌ سه‌رۆكایه‌تى به‌رهه‌م ساڵح كۆتایى بێت!"

له‌هیب هیگل كه‌ شرۆڤه‌كارێكى تره‌ باس له‌وه‌ ده‌كات ئه‌و رێككه‌وتنه‌ى له‌نێوان سه‌در و ته‌قه‌دوم و پارتى كراوه‌، ره‌نگه‌ له‌ هه‌ڵبژاردنى سه‌رۆك كۆمار و سه‌رۆك وه‌زیران ئه‌وا به‌ خۆڕاگریى نه‌مێنێته‌وه‌. له‌هیب پێشبینى گه‌ڕانه‌وه‌ى هه‌ندێك كارى توندوتیژیش له‌نێوان لایه‌نه‌ سیاسیه‌كان ده‌كات.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین