سەرۆک نێچیرڤان: بڕیارەکەى دادگاى فیدراڵى مافه ده‌ستوورییه‌كانى هه‌رێمى كوردستانى پشتگوێ خستووه
نوچەنێت:
دواى ئەوەى دوێنێ دادگاى باڵاى فیدراڵى عێراق یاساى نەوت و گازى هەرێمى کوردستان بە ناودەستوورى ناوبرد، سەرۆک نێچیرڤان بارزانى، سەرۆکى هەرێمى کوردستان لە ڕاگەیێندراوێکدا دەڵێت، "ئه‌م بڕیاره‌ى دادگاى باڵاى فیدرالى كه پشتى به یاسایه‌كى سه‌رده‌مى ڕژێمى پێشوو به‌ستووه، بنه‌ماكانى فیدرالى و مافه ده‌ستوورییه‌كانى هه‌رێمى كوردستانى پشتگوێ خستووه و له‌گه‌ڵ گیانى ده‌ستوور و سیستمى فیدرالیدا نایه‌ته‌وه، له‌سه‌ر ئه‌رزى واقعیش قابیلى جێبه‌جێكردن نابێت."
دەقى پەیامەکەى سەرۆک نێچیرڤان بارزانى، سەرۆکى هەرێمى کوردستان:
له كاتێكدا عیراق به دۆخێكى ئاڵۆزى سیاسیدا تێده‌په‌ڕێت، به‌داخه‌وه بڕیارێكى دادگاى باڵاى فیدرالیى عیراق كه یاساى نه‌وت و گازى هه‌رێمى كوردستان به ناده‌ستوورى داده‌نێت، هه‌رێمى كوردستانى تووشى نیگه‌رانییه‌كى گه‌وره كرد.
پێمانوایه ئه‌م بڕیاره‌ى دادگاى باڵاى فیدرالى كه پشتى به یاسایه‌كى سه‌رده‌مى ڕژێمى پێشوو به‌ستووه، بنه‌ماكانى فیدرالى و مافه ده‌ستوورییه‌كانى هه‌رێمى كوردستانى پشتگوێ خستووه و له‌گه‌ڵ گیانى ده‌ستوور و سیستمى فیدرالیدا نایه‌ته‌وه، له‌سه‌ر ئه‌رزى واقعیش قابیلى جێبه‌جێكردن نابێت.
ئه‌م بڕیاره هه‌روه‌ها كێشه‌كانى نێوان حكوومه‌تى فیدرالى عیراق و حكوومه‌تى هه‌رێمى كوردستان له‌سه‌ر دۆسیه‌ى نه‌وت و گاز ئاڵۆزتر ده‌كات كه به درێژاییى ساڵانى ڕابردوو هه‌وڵى چاره‌سه‌ركردنیان دراوه و له چه‌ند قۆناغێكدا هه‌نگاوى به‌ره‌و چاره‌سه‌ركردن هه‌ڵێناوه.
پێمانوایه دادگاى باڵاى فیدرالى له جیاتى ئه‌م بڕیاره، ده‌بوایه بڕیار بدات كه حكوومه‌تى فیدرالى عیراق له‌گه‌ڵ حكوومه‌تى هه‌رێمى كوردستان به‌پێى ده‌ستوور له‌سه‌ر كێشه‌كان و پرسى نه‌وت و گاز بگه‌نه چاره‌سه‌رێك كه له به‌رژه‌وه‌ندیى ته‌واوى عیراقدا بێت.
چاوه‌ڕوانیمان له دادگاى باڵاى فیدرالیى عیراق هه‌یه و داوا ده‌كه‌ین پێداچوونه‌وه به بڕیاره‌كه‌یدا بكات و بنه‌ماكانى ده‌ستوور و سیستمى فیدرالى ڕه‌چاو بكات بۆ ئه‌وه‌ى مافه یاسایى و ده‌ستوورییه‌كانى هه‌رێمى كوردستان پێشێل نه‌كرێن و نه‌بنه هۆى ئاڵۆزبوونى زیاترى دۆخى سیاسى كه زیان به به‌رژه‌وه‌ندییه‌كانى عیراق به‌گشتى ده‌گه‌یه‌نێت.
نێچیرڤان بارزانى
سه‌رۆكى هه‌رێمى كوردستان
2022/2/15
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment