سه‌رۆك و سه‌رۆك وه‌زیرانى هه‌رێمى كوردستان له‌گه‌ڵ سكرتێرى گشتیى UN كۆبوونه‌وه
.jpg)
نوچەنێت:
دوێنى هەینى (18/شوبات/2022) له چوارچێوه‌ى چالاكییه‌كانیاندا له كۆنفرانسى ئاسایشى میونشندا، سەرۆک نێچیرڤان بارزانى، سه‌رۆكى هه‌رێمى كوردستان و مه‌سروور بارزانى، سه‌رۆك وه‌زیرانى هه‌رێمى كوردستان، له‌گه‌ڵ ئه‌نتۆنیۆ گۆتێرێس، سكرتێرى گشتیى نه‌ته‌وه یه‌كگرتووه‌كان كۆبوونه‌وه.
هەروەک لە ڕاگەیێندراوى کۆبوونەوەکەدا هاتووە، "به‌ڕێزان سه‌رۆك و سه‌رۆك وه‌زیرانى هه‌رێمى كوردستان، سوپاسى پشتگیریى نه‌ته‌وه یه‌كگرتووه‌كانیان له عیراق كرد، به‌تایبه‌تى ڕۆڵى (یۆنامى) له هه‌ڵبژاردنه‌كانى عیراقدا و هیواى به‌رده‌وامیى یارمه‌تیدان و پشتگیریى نه‌ته‌وه یه‌كگرتووه‌كانیان بۆ چاره‌سه‌ركردنى كێشه‌كان له عیراق خواست."
سەرۆکایەتیى هەرێم لە بەشێکى ترى ڕاگەیێندراوەکەیدا دەڵێت، سەبارەت بە "به‌ره‌نگاربوونه‌وه‌ى تیرۆر و هه‌ڕه‌شه و مه‌ترسییه‌كانى داعش، هه‌ردوولا جه‌ختیان له‌وه كرده‌وه كه داعش هێشتا مه‌ترسییه‌كى جددى و ڕاسته‌قینه‌یه و له عیراق و سووریا هه‌ڕه‌شه له ئارامى و سه‌قامگیرى ده‌كات."
هاوكات لە كۆبوونەوەكەدا هه‌ر باس گرنگیى هه‌ماهه‌نگیى هه‌ولێر و به‌غدا بۆ ڕووبه‌ڕووبوونه‌وه‌ى تیرۆر كرا و "جه‌خت له‌وه كرایه‌وه كه هه‌مووان كار بكه‌ن بۆ گه‌ڕانه‌وه‌ى ئارامى و سه‌قامگیرى بۆ عیراق، چونكه به نائارامى و ناسه‌قامگیرى، پرۆسه‌ى سیاسى بنكۆڵ ده‌كرێت، بۆ ئه‌مه‌ش نه‌ته‌وه یه‌كگرتووه‌كان ده‌توانێت یارمه‌تیده‌ر بێت."
سەرۆک نێچیرڤان بارزانى و مەسرور بارزانى، لە کۆبوونەوەکەدا لەگەڵ ئه‌نتۆنیۆ گۆتێرێس "خواستى هه‌رێمى كوردستان بۆ ئه‌نجامدانى هه‌ڵبژاردن له كاتى خۆیدا." هەروەها دوا بڕیارى دادگه‌ى باڵاى فیدرالیى عیراق ده‌رباره‌ى یاساى نه‌وت و گاز له هه‌رێمى كوردستان و ئه‌گه‌رى سه‌ردانى به‌ڕێز سكرتێرى گشتى نه‌ته‌وه یه‌كگرتووه‌كان بۆ عیراق دواى پێكهێنانى حكوومه‌تى تازه‌ى فیدرالى له عیراق، تاوتوێ کرد.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment