لە ماوەی 24 کاتژمێردا سێ ژن لە هەرێمی کوردستان کوژران هەواڵ

نوچەنێت

له‌ گه‌ڕه‌کی سه‌رهه‌ڵدانی شاری دهۆک، پیاوێک هاوسه‌ره‌که‌ی خۆی کوشت لە ماوەی شەو ورۆژێکدا ئەمە سێیەمین حاڵەتی ژنکوشتنە لە هەرێمی کوردستان.

ئەمڕۆ سێشەممە(10/ئایار/2022 ) لە  گه‌ڕه‌کی سه‌رهه‌ڵدانی شاری دهۆک، ژنێکی ته‌مه‌ن 28 ساڵ له‌ لایه‌ن هاوسه‌ره‌که‌یه‌وه‌، که‌ ته‌مه‌نی 32 ساڵه‌ به‌ وایه‌ری کاره‌با خنکێندرا.

له‌ ماوه‌ی که‌متر له‌ 24 کاتژمێردا ئه‌مه‌ سێیه‌م حاڵه‌تی کوشتنی ژنانە لە هەرێمی کوردستان.

هێمن سلێمان، وته‌بێژی پۆلیسی دهۆک، رایگه‌یاند، سه‌ر له‌ به‌یانی ئه‌مڕۆ ژنێک بە دەستی پیاوەکەی خنکێندرا، دوای ئاگادارکردنه‌وه‌، پۆلیسی به‌ڵگه‌ی تاوان چووه‌ته‌ شوێنی رووداوه‌که‌ و بکوژه‌که‌ خۆی راده‌ست کردووه‌.

بەپێی پۆلیسی دهۆک، ئه‌و ژن و پیاوه‌ کوڕێکیان هه‌یه‌ و ئێستا پیاوه‌ به‌ گوێره‌ی مادده‌ی 406 له‌ یاسای سزادانی عێراقی ژماره‌ 111ی ساڵی 1969 په‌ڕاوی لێکۆڵینه‌وه‌ی بۆ کراوه‌ته‌وه‌ و رووبه‌ڕووی دادگا ده‌کرێته‌وه‌.

دوێنێ دووشه‌ممه‌ (9/ ئایار/ 2022)، پۆلیسی هه‌ولێر له‌ راگه‌یه‌ندراوێکدا رایگه‌یاند،  لە ته‌عجیلی نوێ لە سنوری ناحیەی شەمامک، ژنێک بەناوی (بەهار زەکەریا فەتاح) تەمەن (33) ساڵ، له‌ لایه‌ن هاوسه‌ره‌که‌یه‌وه‌ به‌ ناوی (ا. ڤ. م.) به‌ چه‌قۆ کوژرا و پۆلیس دوای 5 کاتژمێر له‌ تاوانه‌که‌، بکوژه‌که‌ی ده‌ستگیرکرد.

له‌ یەکەم رۆژی جەنی رەمەزاندا، له‌ شارۆچکه‌ی چه‌مچه‌ماڵ، پله‌دارێکی ئه‌منی هه‌ڵیکوتایه‌ سه‌ر ماڵی هاوڵاتییه‌ک و هاوسه‌ره‌ دووگیانه‌که‌ی، خه‌سوی و سێ که‌سی دیکه‌ی کوشت.

 شه‌وی رابردوو، ره‌یان مه‌حمود، ئه‌و کچه‌ی رۆژی (24ی نیسان/ ئه‌پریڵی 2022)، له‌ لایه‌ن زڕدایکییه‌وه‌ سوتێنرابوو، له‌ نه‌خۆشخانه‌ی ئێمرجێنسی شاری هه‌ولێر به‌ هۆی کاریگه‌ری برینه‌کانییه‌وه‌ گیانی له‌ده‌ستدا.

له‌ هه‌رێمی کوردستان له‌ماوەی چوار مانگی سەرەتای ئەمساڵەوە، نزیکه‌ی 20 ژن کوژراون.

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین