مەسرور بارزانى: ئەنجامدەرانى هێرشەکەى هەولێر سزا دەدەین کوردستانی

نوچەنێت:

سەرۆکى حکومەتى هەرێمى کوردستان ڕایدەگەیێنێت، لەگەڵ حکومەتى عێراق پێکەوە کاردەکەین بۆ سزادانى ئەنجامدەرانى هێرشەکەى سەر هەولێر.

شەوى ڕابردوو بە پێى ڕاگەیێندراوێکى دژەتیرۆرى کوردستان، "کاتژمێر (9:35) خولەک درۆنێکى بۆمبڕێژکراو لەسەر ڕێگاى پیرمام – هەولێر کەوتەخوارەوە، لە ئاکامدا سێ هاووڵاتى بە سووکى بریندار بوون."

مەسرور بارزانى، سەرۆکى حکومەتى هەرێمى کوردستان، شەوى ڕابردوو دەربارەى هێرشەکەى سەر هەولێر، پەیوەندییەکى تەلەفۆنى لەکەڵ مستەفا کازمى، سەرۆک وەزیرانى عێراق ئەنجامدا و دواتریش لە هەژمارى خۆى لە تویتەر ڕایگەیاند، "هاوئاهەنگییەکی باش لە نێوان هەولێر و بەغدا هەیە بۆ به‌ره‌نگاربوونه‌وه‌ی کەس و گرووپە تاوانبارەکان." 

سەرۆکى حکوومەتى هەرێمى کوردستان لە بەشێکى ترى تویتەکەدا ئەوەشى نووسیووە، "ئێمە پێکەوە کاردەکەین بۆ بەسزاگەیاندنی ئەنجامدەرانی هێرشەکە".

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین