سەرۆک نێچیرڤان بارزانى: چاره‌سه‌ركردنى كێشه‌كانى هه‌ولێر ـ به‌غدا، كلیلى سه‌قامگیریى عێراقه
.jpg)
نوچەنێت:
ئەمڕۆ سێشەممە (19/تەممووز/2022) سەرۆک نێچیرڤان بارزانى، نێچیرڤان بارزانى، سه‌رۆكى هه‌رێمى كوردستان، پێشوازى له ئێریك شۆڤالیێ باڵیۆزى فه‌ره‌نسا له عێراق كرد.
سەرۆکایەتیى هەرێمى کوردستان لە بارەى ناوەڕۆکى کۆبوونەوەکە لە ڕاگەیێندراوێکدا دەڵێت، "له كۆبوونه‌وه‌یه‌كدا دوایین پێشهاته‌كانى دۆخى سیاسى و ئه‌منیى عیراق و هه‌وڵه‌كان بۆ هه‌ڵبژاردنى سه‌ركۆمار و پێكهێنانى حكوومه‌تى داهاتووى عیراق، په‌یوه‌ندییه‌كانى هه‌ولێر ـ به‌غدا، ڕووبه‌ڕووبوونه‌وه‌ى مه‌ترسییه‌كانى داعش به‌تایبه‌تى له ناوچه‌كانى ماده‌ى 140، پێشهاته‌كانى ناوچه‌ى شه‌نگال، دۆخى هه‌رێمى كوردستان و هه‌ڵبژاردنه‌كانى داهاتوو، تاوتوێ كران."
باڵیۆزى فەرەنسا لە بەشێکى کۆبوونەوەکەدا، "جه‌ختى له بایه‌خدانى وڵاته‌كه‌ى به بره‌ودانى په‌یوه‌ندییه‌كانى له‌گه‌ڵ عیراق و هه‌رێمى كوردستان كرده‌وه و ئارامى و سه‌قامگیریى عیراقى بۆ پاراستنى سه‌قامگیریى ناوچه‌كه به پێویست و گرنگ زانى."
بەپێى ڕاگەیێندراوەکە، "لاى خۆیه‌وه سه‌رۆك نێچیرڤان بارزانی دووپاتى كرده‌وه كه چاره‌سه‌كردنى كێشه‌كانى هه‌ولێر ـ به‌غدا، كلیلى ئارامى و سه‌قامگیریى عیراقه و هه‌بوونى میكانیزمێكی بۆ گفتوگۆ و چاره‌سه‌ركردنى كێشه هه‌ڵواسراوه‌كان، به پێویست له قه‌ڵه‌م دا."
سەبارەت بە مەترسییەکانى داعش و هەڕەشەى تیرۆر، "هه‌ردوولا كۆك بوون له‌سه‌ر پێویستیى و گرنگیى به‌رده‌وامیى هاریكارى و هه‌ماهه‌نگیى نێوان پێشمه‌رگه و سوپاى عیراق به پشتگیریى هێزه‌كانى هاوپه‌یمانیى نێوده‌وڵه‌تى به‌تایبه‌تى له ناوچه‌كانى ماده‌ى 140ى ده‌ستوور."
دۆخى ناوچه‌كه به‌گشتى، هه‌وڵه‌كان بۆ جێگیركردنى بازاڕى جیهانیى وزره و پێگه و گرنگیى ڕۆژهه‌ڵاتى ناوه‌ڕاست له‌مباره‌یه‌وه، په‌یوه‌ندییه‌كانى هه‌رێمى كوردستان له‌گه‌ڵ وڵاتانى ناوچه‌كه و چه‌ند پرسێكى دیكه‌ى جێى بایه‌خى هاوبه‌ش، ته‌وه‌رێكى دیكه‌ى كۆبوونه‌كه بوو كه به‌ڕێز ئۆلیڤیێ دیكۆتینى، كونسوڵى گشتیى فه‌ره‌نسا له هه‌رێمى كوردستان ئاماده‌ى بوو.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment