ئابوورى توركيا پێ دەنێتە قۆناغێكى نوێ
.jpg)
له‌دواى مانگه‌كانى سه‌ره‌تاى ئه‌م ساڵدا توركيا ئابوورى توركيا به‌رێژه‌ى (7.6 %) گه‌شه‌ى كردووه، ڕۆبن بروكس، سه‌رۆكى ئابوورى په‌يمانگاى دارايى نێوده‌وڵه‌تى (llF) رايگه‌ياند، "له‌م دوو ساڵه‌ى كۆتايى توركيا به شێوه‌يه‌كى راسته‌وخۆ لە رێگەى هه‌نارده‌ى زياتر به‌شدارى كردووه، بۆ ئه‌وه‌ى ئابوورى توركيا بته‌قێته‌وه تەنيا پێويستى به‌وه‌يه هه‌نگاوێكى زۆر بچووك به ئاراسته‌ى بازاره‌كان بنێت، كە پێويستى به گۆرانكارييه‌كى زۆر بچووك هه‌يه له سياسه‌تدا راسته‌وخۆ رێگا ده‌كاته‌وه بۆ ئه‌م ته‌قينه‌وه‌يه له ئابوورى دا."
ڕۆبن بروكس له‌باره‌ى هه‌نارده‌كردنى راسته‌وخۆى توركيا له‌م باره‌وه چه‌ند لێدوانێكى بڵاوكردۆته‌وه تێيدا ده‌لێت. "هه‌نارده‌كردنى راسته‌وخۆى توركيا له‌م دوو ساڵه‌ى كۆتايى بەشێوەيەكى بەرچاو گەشەى كردووە، به‌تايبه‌تى لە سێكته‌رەكانى گه‌شتيارى و به‌رهه‌مهێنان گەشەى زياترى كردووە، هه‌رچه‌نده روو كەش ململانێيەكى زۆريش پيشان ده‌دات. " له به‌شێكى قسه‌كانيدا گوتى، "بۆئه‌وه‌ى ته‌قينه‌وه‌يه‌كى گه‌وره له ئابوورى توركيا رووبدات پێويسته وه‌كو دۆستێك به ئاراسته‌ى بازاره‌كان هه‌نگاوێكى بچووك."
لە دوو ساڵى رابردوو توركيا لە رێگەى هەناردەوە داهاتى خۆى زياد كردووە
سەبارەت سياسه‌تى توركياش ئاماژە بەوە دەكات، "پێويسته توركيا بگه‌رێته‌وه بۆ سياسه‌تى ئابوورى ئۆرتۆدۆكس بگەڕێتەوە، كە ته‌نيا بە گۆرانكارييه‌كى بچووك ده‌توانێت ئه‌م ته‌قينه‌وه‌يه رێگه خۆشكه‌ر بێت بۆ كرانه‌وه‌ى ئابوورى."
بروكس جەخت لەسەر ئەوەش دەكاتەوە، "هه‌رچه‌نده قه‌باره‌ى هه‌نارده‌كردن زياتر بووه به‌ڵام سه‌رنج لە سه‌ر دابه‌زينى ليرەى توركى دەدەين، ئه‌گه‌ر سياسه‌تێكى راست هه‌بێت ده‌توانين راسته‌وخۆ ئه‌م به‌رزبوونه‌وه‌يه له ليرە ببينين به‌ڵام پێش ئه‌وه‌ى ئه‌م كارانه راستبكرێته‌وه ده‌توانم بلێم هێشتا كاره‌كان خراپتر ده‌بن."
دابه‌زينى بەهاى يۆرۆ
رۆبن بروكس، به‌هه‌مان شێوه باسى له دابه‌زينى يۆرۆش كردووه‌و ئاماژه‌ى به پێشبينيه‌كانى كردووە و ده‌ڵێت، "به‌هۆى زيادبوونى ئه‌گه‌رى پاشه‌كشه‌ى و به‌رزبوونه‌وه‌ى نرخى وزه‌و كه‌مبوونه‌وه‌ى به‌رهه‌مهێنانى له‌كه‌رتى كيميايى له ئه‌ڵمانياوه ئه‌م ناوچانانه‌ى يۆرۆ به‌كارده‌هێنن له كه‌رتى به‌رهه‌مهێناندا روو به‌رووى شۆكێكى گه‌وره بوونه‌‌وه، كه رێگه‌دراوه نرخى يۆرۆ ئه‌وه‌نده دابه‌زێت و به‌ره‌نگاربوونه‌وه له ئه‌گه‌رى دابه‌زينى يۆرۆ باشتر ده‌بێت، به‌پێى ئه‌و زانييارييانه‌ى فه‌رمانگه‌ى ئامارى ئه‌وروپا (يۆرۆستات) بڵاويكردۆته‌وه، "له‌م ناوچانه‌ى يۆرۆدا، رێژه‌ى بێكارى كه له مانگى حوزه‌يران له (6.7%) بووه، له مانگى ته‌مموز دابه‌زى بۆ (6.6 %)، هه‌روه‌ها رێژه‌ى بێكارى گه‌نجان له ناوچه‌ى يۆرۆ به (14.2%) تۆماركراوه. ئه‌گه‌ر سه‌يربكه‌ين وڵاتان له مانگى ته‌مموز بێكارى له ئيسپانيا (12.6%) بوو، له يۆنان (11.4%) بووه، له ئيتاليا (6.9%) بووه، له فه‌ره‌نسادا له (7.5%) بوو، له سويدا (7.4%) بووه له ئه‌ڵمانياش (2.9%) بوو.
ئابوورى توركيا بە رێژەى لە (7.6%) گەشەى كردووە
توركيا له ريزبه‌ندى دووه‌م دێت كه به‌خێراى زۆر له گه‌وره‌بووندايه
له‌م ماوەى رابردوو به‌پێى ئه‌و داتايا ئابووريانەى توركيا له چاره‌كى دووه‌مى ئه‌مساڵدا به رێژه‌ى (7.6%) گه‌شه‌ى كردووه، ئه‌وه‌ى پێشبينى ده‌كرا زۆر زياتربوو، به‌م شێوه‌يه‌ش توركيا له گه‌شه‌پێدانى ئابوورى و وڵاتانى (G 20) له گه‌شه‌سه‌ندنى نێوان وڵاتانى ڕێكخراوى هاوكارى پله‌ى دووه‌مى به‌ده‌ستهێناوه. له ساڵى (2022) دا لە چەند رۆژى رابردوو پێشبينى گه‌شه‌كردنى توركياى كراوە كۆمپانياى مووديز چاوه‌روانى هه‌ڵاوسانى كۆتايى ساڵى خۆى بۆ (68.6%) نوێكرده‌وه، هه‌روه‌ها له به‌رامبه‌ردا ئابووريناسانى گۆڵدمان ساكس پێشبينى گه‌شه‌كردنيان بۆ (5.5%) زياد كرد، پێشبينى كوردهێناننيش لە حيسابى ئێستايان بۆ (45) مليار دۆلار زيادكرد.
ئاگاداركردنه‌وه له پاشه‌كشه
بروكس سەبارەت بە قەيرانێكى نوێى ئابوورى لە جيهان پێشبينى دەكات، "مانگى ئايارى ساڵى داهاتوو ئابوورى جيهان رووبەڕووى قەيرانێكى نوێ دەبێتەوە، سەرەتاش گەشەسەندى ئابوورى چين لاواز دەبێت، كە لە ئێستاوە ئامارى رێژەى هەناردەكردنى چين بۆ ژاپۆن بەڕوونى ديارە، لە داهاتووش جيهان دەتوانێت بەڕوونى ئەم لاوازييە ببينن."
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment