ئه‌مریكا و ئه‌وروپا ئه‌سه‌د تۆمه‌تبار ده‌كه‌ن و ئێران ستایشى ده‌كات
بە پێێ هەواڵی "ئیندیپێندێنت فارسی"، لە دەیه‌مین ساڵوەگەری شەڕی ناوخۆیی سووریادا، وڵاتانی ئەمریکا، بەریتانیا، فەڕەنسا، ئەڵمانیا و ئیتالیا ڕایانگەیاند سەرۆک کۆماری سووریا و پشتیوانەکانی بەرپرسی چەندین ساڵ شەڕ و قەیرانی مرۆیین لەو وڵاتەدا.
ئەوە لە حاڵێکدایە کە عەلی ئەکبەر ولایەتی، ڕاوێژکاریی خامنەیی وێرای گەیاندنی پەیامی ڕابەری ئێران بە باڵوێزی سووریا وتی، "سەرۆک کۆماری سووریا ڕابەرێکی بەهێز و بە ورە و خۆڕاگرە و لە بەرانبەر هەموو پیلان و دوژمنکارییەکاندا خۆڕاگری کردووە".
کۆماری ئیسلامیی ئیران یەکێک بووە لە سەرەکیترین پشتیوانانی بەشار ئەسەد لە 10 ساڵى ڕابردوودا و بە بۆچوونی زۆرێک لە شارەزایان بە بێ یارمەتی دارایی، هێزی مرۆیی و یارمەتی سەربازیی ئێران ئه‌گه‌ر مانەوەی ئەسەد نەدەبوو. بەرپرسانی تاران دەڵێن ئەو هێزانەی لە سووریا ئامادەن تەنیا یارمەتی ڕاوێژکاریی ئەنجام دەدەن.
لە پەیامەکەی ڕابەری کۆماری ئیسلامییدا هاتووە کە "ئەسەد کەسایەتییەکی بلیمەت و یەکێکە لە ڕابەرانی گەورە و شیاوی ستایشه لە سووریا و ناوچە و لە بەرەی خۆڕاگریدا".
ولایەتی لە بەشێکی تر لە قسەکانیدا لە کاتی گەیاندنی ئەو پەیامەدا بە ئاماژەکردن بە تووشبوونی بەشار ئەسەد بە ڤایرۆسی کۆرۆنا وتی: "ئێران ئامادەیە تیمی پزیشکی پسپۆڕ بە مەبەستی چارەسەری نەخۆشییەکەی سەرۆک کۆماری سووریا ڕەوانە بکات".
لە بەرانبەردا، لە ڕاگەیەندراوە هاوبەشەکەی ئەمریکا و ئەوروپادا ڕێز لەو ڕێکخراوە و تاکانە گیراوە کە بە مەبەستی ڕوونکردنەوەی لایەنە جیاوازەکانی کارەساتی ١٠ ساڵی ڕابردوو لە سووریا، له بوارى به‌به‌ڵگه‌كردنى ئەشکەنجەکان، ئازار و کوشتنی بەکۆمەڵ و پێشیلکردنی مافەکانی مرۆڤ هەوڵیان داوە.
وەزارەتی دەرەوەی ئەمریکا ڕایگەیاند لە پاڵ گەلی سووریا دەوەستێت و خوازیاری کۆتاییهێنان بە قەیرانی سووریا و وەڵامدانەوەی سەرکوتکارانە.
قەیرانی سووڕیا کە ١٠ ساڵ پێش و دوای خۆپیشاندانە ئاشتیخوازانەکان لە دژی دەسەڵاتی ئەسەد دەستی پێکرد، ئێستا قەیرانێکی هەمەلایەنە و کارەساتێکی مرۆییە کە لانیکەم ٤٠٠ هەزار کوژاو، ٢ ملیۆن بریندار و ١٣ ملیۆن بێ سەرپەنا و ئاوارەی لێکەوتووەتەوە.
ئەمریکا و ئەوروپا جارێکی تر داوا دەکەن ئاگربەست لە سووریادا جێگیر بکرێت و و هاوکاریی و یارمەتییە مرۆدۆستانەکان ڕەوانەی ئەو وڵاتە بکرێن.
وەزیرانی دەرەوەی ئەو چوار وڵاتە ئەوروپییە و ئەمریکا هەروەها لە پلانی دیمەشق بۆ بەڕێوەبردنی هەڵبژاردنەکانی سەرۆک کۆماریی ڕەخنەیان گرت و جەختیان کردەوە کە ئەو هەڵبژاردنانە نە ئازادانەیە و نە دادپەروەرانە.
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment