ئۆپراسیۆنه‌ هاوبه‌شه‌كان: هیچ بڕیارێك بۆ زیاتر مانه‌وه‌ى هێزه‌كانى ئه‌مریكا نییه‌ عێراق ناوچەکە و جیهان

نوچه‌نێت

كۆتایى هه‌فته‌ى رابردوو سه‌رچاوه‌یه‌كى ئه‌مریكى رایگه‌یاند بوو، دواى كۆتایى مانگى داهاتوویش هێزه‌كانى ئه‌مریكا له‌ عێراق ده‌مێننه‌وه‌، كه‌چى ئه‌مڕۆ فه‌رمانده‌یى ئۆپراسیۆنه‌ هاوبه‌شه‌كانى عێراق دووپاتى ده‌كاته‌وه‌ هیچ بڕیارێك بۆ درێژكردنه‌وه‌ى ماوه‌ى ئه‌م سه‌ربازانه‌ نییه‌.

ئه‌مڕۆ شه‌ممه‌ 27ى تشرینى دووه‌م ته‌حسین خه‌فاجى گوته‌بێژى فه‌رمانده‌یى ئۆپراسیۆنه‌ هاوبه‌شه‌كانى عێراق له‌ لێدوانێكى بۆ ماڵپه‌ڕى شه‌فه‌ق نیوز ده‌ڵێ، "واده‌ى كشانه‌وه‌ى هێزه‌كان پێشتر دیارى كراوه‌ و له‌ 31ى كانوونى یه‌كه‌م ده‌بێت، ئه‌م واده‌یه‌ شیاوى درێژكردنه‌وه‌ نییه‌، هیچ نیازێك دواخستنى بۆ واده‌یه‌كى تر نییه‌".

كۆتایى هه‌فته‌ى رابردوو سه‌رچاوه‌یه‌ك له‌ وه‌زاره‌تى به‌رگرى ئه‌مریكا به‌ گۆڤارى نیوزویكى راگه‌یاندبوو، دواى 31ى كانوونى یه‌كه‌میش هێزه‌كانى ئه‌مریكا له‌ عێراق ده‌مێننه‌وه‌، به‌ڵام به‌رپرسانى سه‌ربازى عێراق دووپاتى ده‌كه‌نه‌وه‌ مانه‌وه‌ى ئه‌و هێزانه‌ له‌ بوارى راوێژكردن و راهێنان ده‌بێت.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین