سەرۆک وەزیرانى پێشووى عێراق پیرۆزبایى لە جێگرى یەکەمى سەرۆکى پارتى دەکات کوردستانی

نوچەنێت:

ئەیاد عەلاوى سەرکردە و کەسایەتیى سیاسى و سەرۆک وەزیرانى پێشووى عێراق، پەیامێکى پیرۆزبایى ئاراستەى نێچیرڤان بارزانى جێگرى یەکەمى سەرۆکى پارتى دیموکراتى کوردستان دەکات و دەڵێت، "باوەڕم بە توانا باڵاكانی ئێوە هه‌یه‌ بۆ هەڵگرتنی بەرپرسیارێتی بەرامبەر خەڵك".

ئەیاد عەلاوى لە بەشێکى پەیامەکەیدا دەڵێت "بەڕێز برا و سەرۆك نێچیرڤانی بارزانی سڵاو و ڕێز، هیوای سەركەوتن و سەرفرازیتان بۆ دەخوازم بە خۆشحاڵییەوە پیرۆزبایی لە جەنابتان دەكەم بۆ كۆبوونەوەی ئەندامانی پارتی دیموكراتی كوردستانی تێكۆشەر و سەركەوتنی كۆنگرەی چواردەمینی پارتی، كە تیایدا بەڕێزتان باوەڕی جێگری برا و سەرۆك مەسعوود بارزانیتان پێدرایەوە."

سەرۆک وەزیرانى پێشووى عێراق لەو پەیامەیدا ئاراستەى جێگری یەکەمی سەرۆکی پارتی کردووە دەشڵێت " باوەڕم بە توانا باڵاكانی ئێوە هه‌یه‌ بۆ هەڵگرتنی بەرپرسیارێتی بەرامبەر خەڵك و خۆشەویستانمان لە كوردستانی خۆشەویست و پاراستنی ئەو ئەزموونە دیموكراسییە تاكانەی ئەوێ و ئەو سەركەوتنانەی كە لە هەموو بوارەكاندا ئەنجامتانداوە و ئەنجامی دەدەن، هیوای سەركەوتن و بەردەوامی بۆ بەڕێزتان و برایان لە پارتی دیموكراتی كوردستان دەخوازم."

رۆژی 03-11-2022 پارتی دیموکراتی کوردستان، بەبەشداری زیاتر لە هەزار ئەندامی کۆنگرە، لە شاری دهۆک  کۆنگرەی 14ی خۆی بەست و لە یەکەم رۆژی کۆنگرەدا بە تێکڕای دەنگی ئەندامانی کۆنگرە نێچیرڤان بارزانی بە جێگری یەکەمی سەرۆکی پارتی هەڵبژێردرا.

 

 

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین