له‌ كه‌ركووك كرده‌یه‌كى تیرۆریستى خۆكوژى پووچه‌ڵ كرایه‌وه‌ کوردستانی

نوچه‌نێت

شانه‌ى راگه‌یاندنى ئه‌منى عێراق رایگه‌یاند، ئه‌مڕۆ له‌ كه‌ركووك كرده‌یه‌كى خۆكوژى پووچه‌ڵ كراوه‌ته‌وه‌، خۆكوژه‌كه‌ ویستوویه‌تى بچێنه‌ ناو باره‌گاى ئاسایشى نیشتمانى عێراق له‌ كه‌ركووك.

ئه‌مڕۆ پێنجشه‌ممه‌ 29ى نیسان، شانه‌ى راگه‌یاندنى ئه‌منى عێراق له‌ راگه‌یێندراوێكدا هه‌واڵى پووچه‌ڵكردنه‌وه‌ى كرده‌یه‌كى تیرۆریستى له‌ كه‌ركووك بڵاوكردووه‌ته‌وه‌.

له‌ راگه‌یێندراوه‌كه‌ هاتووه‌، "هێزه‌ ئه‌منییه‌كان توانیان تیرۆریستێكى خۆكوژ بكوژن، كه‌ پشتێنه‌یه‌كى بۆمبڕیژكراوى به‌ستبوو، ده‌یویست بچێته‌ ناو به‌ڕێوه‌به‌رایه‌تى ئاسایشى نیشتمانى له‌ پارێزگاى كه‌ركووك".

شانه‌ى راگه‌یاندنى ئه‌منى روونى ده‌كاته‌وه‌، به‌هۆى ته‌قه‌لێكردنه‌وه‌ پێشتێنه‌كه‌ ته‌قیوه‌ته‌وه‌ و له‌ ئه‌نجامى ئه‌مه‌ش دوو پاسه‌وانى باره‌گاكه‌ به‌ سووكى برینداربوون و دووپاتیشى ده‌كاته‌وه‌ دواتر زانیارى زیاتر بڵاو ده‌كاته‌وه‌.

به‌گوێره‌ى ئه‌و زانیارییانه‌ى په‌یامنێرى كه‌ناڵى رووداو به‌ ماڵپه‌ڕه‌كه‌ى خۆى داوه‌، خۆكوژه‌كه‌ ده‌مانچه‌ى لابووه‌، بۆئه‌وه‌ى سه‌ره‌تا پاسه‌وانى به‌رده‌رگاى باڵه‌خانه‌ى ئاسایشى نیشتمانى عێراقى بكوژێت و دواتر بچێته‌ ژووره‌، به‌ڵام زانیارى پێشوه‌خته‌ له‌سه‌ر كرده‌كه‌ هه‌بووه‌، بۆیه‌ زووتر هێزه‌ ئه‌منییه‌كانى عێراق ته‌قیان لێكردووه‌ و تیرۆریسته‌كه‌یان كوشتووه‌.

بابەتی پەیوەندی دار

0 لێدوانەکان

نەزەری خۆتان بنووسن

ئیمەیلەکەتان بە هیچ شێوەیێک بڵاو نابێتەوە. هەموو فیڵدە ئەستێرە دارەکان ئیجبارین