سه‌رۆكى هه‌رێم و سه‌رۆك كۆمار داکۆکی لە پێویستیی تێپەڕاندنی ناکۆکییه‌كان ده‌كه‌ن
نوچه‌نێت
ئه‌مڕۆ پێنجشه‌ممه 19ى نیسان، نێچیرڤان بارزانى سه‌رۆكى هه‌رێمى كوردستان پێشوازى له به‌رهه‌م ساڵح سه‌رۆك كۆمارى عێراق كرد و له دیداره‌كدا تاوتوێى چه‌ندان بابه‌تى گرنگى هه‌رێمى كوردستان و عێراق كرد.
سه‌رۆكایه‌تى هه‌رێمى كوردستان راگه‌یێندراوێكى له‌سه‌ر دیداره‌كه بڵاوكردووه‌ته‌وه كه ئه‌مه ده‌قه‌كه‌یه‌تى:
پاشنیوەڕۆی ئەمڕۆ پێنجشەممە ٢٩\٤\٢٠٢١ بەڕێز نێچیرڤان بارزانی، سەرۆکی هەرێمی کوردستان پێشوازی لە بەڕێز د.بەرهەم ساڵح سەرۆک کۆماری عیراق کرد.
لە کۆبوونەوەیەکدا کە بەڕێزان جێگرانی سەرۆکی هەرێمی کوردستان و جێگری سەرۆک وەزیرانی هەرێمی کوردستان ئامادەی بوون، دوا گۆڕانکارییە سیاسییەکانی عیراق و هەرێمی کوردستان تاوتوێ کران، بەتایبەتی هەڵبژاردنی پێشوەختەی ئەنجومەنی نوێنەرانی عیراق و چۆنیەتیی زەمینەخۆشکردن لەبەردەم پرۆسەکەدا کە خزمەتی بەرژەوەندیی هاوبەشی گەل و هەموو پێکهاتەکانی عیراق بە هەرێمی کوردستانیشەوە بکات.
لە کۆبوونەوەکەدا داکۆکی لە پێویستیی تێپەڕاندنی ناکۆکی و ململانێکان و گفتوگۆ و لێکگەیشتن لەنێوان لایەنە سیاسییەکاندا کرایەوە و بەگرنگییەوە باس لە دوایین سەردانی بەڕێز سەرۆکی هەرێمی کوردستان بۆ بەغدا و کۆبوونەوەی لەگەڵ سەرکردە و لایەنە عیراقییەکان کرا.
لە تەوەرێکی دیکەی کۆبوونەوەکەدا گفتوگۆ دەربارەی هێنانەدی یەکڕیزیی نیشتمانی و لێکنزیککردنەوەی بیروبۆچوونەکان کرا بە ئاراستەی تێپەڕاندنی ناکۆکییەکان و یەکخستنی هێز و تواناکان بۆ ڕووبەڕووبوونەوەی ئەگەر و پێشهاتەکان.
تاوتوێکردنی دۆخی ناوچەکە بەگشتی تەوەرێکی دیکەی کۆبوونەوەکە بوو، تیایدا جەخت لەوە کرایەوە کە ناسەقامگیریی دۆخی سیاسی و ئەمنی، خزمەت بە بەرژەوەندیی هاوبەشی گەلانی ناوچەکە ناکات.
.jpg)
0 لێدوانەکان
Karla Gleichauf
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
M Shyamalan
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment
Liz Montano
12 May 2017 at 05:28 pm
On the other hand, we denounce with righteous indignation and dislike men who are so beguiled and demoralized by the charms of pleasure of the moment